Pa Thuk Kim
Voklak khua Pa Lam Khai (Thatmun) leh Nu Neam Cing te sung panin 3.8.1947 kumin Chin State, Tedim Myone Voklak khua ah suak hi. Nu leh Pa zawng lua ahih manin tan 4 ciang bek kah zo hi. Sanggam laigui zom u numei 2 bek nei hi. Adeih pen Laisiangtho Proverb (Paunak) hi a, a duh pen an zong zo vai mim ciim ahi hi. Mihing a pahtak pen te zong piangthak maitai te pakta mahmah hi.
Thei bang senlai: Sang tawp ciang khua ah kum 2 sung bawng cin thalawh hi. Kum 4 aphak in a pa’n sihsan a, tagah genthei lua ahih manin keel leh bawng cing a, kha khat pek 3 ngah in lungdam mahmah hi. Bawngcin kawmin khaugui amuh nak leh inn peuh, mawtaw peuh, leii peuh bawl zelzel hi. 9.3.1962 kum ciangin singunau ah tuak suk a, a pu inn nung pi 100’ patle leitang tungah bukno khat lamin teeng hi. Singunau tuiphum Pawlpi ah la makai, khangno makai sem hi. Khal sung teng lam bawl in lut a, tuk sung teng lo kaih na sem hi. 1968 kum ciang Sevenday Adventist Pawlpi ah lut in tui kiphum hi.
Nasepna: 1966 kumin yangon set lam tawh kisai tintan kah hi. Dodge Jeep Car Spare kum khat sem hi. Tai kua ah set puah sem in kum 6 sung sem hi. Tahan leh kawlpi kikal Line-Car kum 2 hawl hi. Tua khit singunau ah sing-at set nei-in kumnih sungin inn hoih khat lam zo hi. 1975 kum ciang Hiang Zing ah kumpi nasem te inn ding lam hi. 1979 kum ciang Jeep Car khat lei in Kalemyo & Tamu laitai mawtaw in zang hi. 1982 kum ciang sing namtui bawl, tua pan Mukoh ah suang bawl piangthei tuan lo a, Jeep Car khat lei beh a, Kalemyo & Tedim ni khat vial nih ta pai hi. 1984 kum ciang Kalemyone sungah Vedio lak kawikawi a, tua tawh Hinno Ranger Bus khat lei-in Tedim leh Kawlpi Line-Car tai sak hi.
1985 kum ciang Diana Car khat lei kik in, 1986 kum ciang kum ciang T.E.Hino Car khat lei in tua tawh Tedim ah Hotel pi khat lam thei hi. 1988-1992 kum sung New Eden Hotel (1) lam a, 1992 kum ciang Ciim Nuai Boarder lam hi. 2004 kum ciang New Eden Hostel (2) lam a, 2007 kum ciang Sian Hung Mingala innpi lam hi. 1996 kumin Jeep Car khat leh Toyota Mark-II khat lei leuleu hi.Haupi khua U Khai Cin Thang leh Daw Ngul Za Niang te tanu Lia Ngin Khan Niang tawh 1970 kumin kiteeng a, tapa khat leh tanu 3 nei in dam kim uh hi. (1) Pa Khai Khan Dal BBA + Nu Cing Khan Dim (USA) (2) Nu Cing Kang Do BBA + Pa Lian Hen Pau BBA (Tahan) (3) Nu Ning Ngaih Lun B.A (Hist) + Ko Myo Yaw B.SC (Zoology) Tahanm,(4) Nu Vung Khat Huai B.A (Hist) + Ko Pa Kio B.A (Hist) Tahan.