Pa En Khan Gin
Tuithang khua Pu Vial Za Dal (Ngaihte) leh Nu Sian Za Cing (Gualnam) te sung pan 20.2.1957 in Tedim Township Tuithang khua ah suak hi. Pa Tual Go Dai (Gualnam) leh Nu Ning Ngaih Vung (Guite) tanu Nu Niing Go Zam B.A (Geography) tawh 19.7.1993 ni-in pumkhat suahna nei uh hi. Pasian in thupha pia a, tapa 3 leh tanu 2 nei uh hi. Tan lang pan tan giat dong State Middle School Tuithang ah kah a, tan kua pen SHS Yangon ah kah hi. 1976 March kha in sumbawl kipan a, Topa thupha tawh Tuithang Kalemyo, Mandalay khua te ah inn nei kawikawi hi.
Tate: (1) Pa Dal Lian Sang MBA + Nu Lyin Lyin, (2) Tg Nang Tun Kim Khai M.A (Politics Social of Science ) USA.(3) Tg Dal Sian Suum Matric SHS Mandalay.(4) Lia Esther, Vung Sian Nem Grade IX Mandalay.(5) Lia Merry, Dal Sian Cing Grade IV Mandalay.
Nasepte: “Lainatna Ministry” Pasian lamlahna tawh 1997 April kha in kipan hi. Laisiangtho bulphuh Nehemaih 2:18 hi a, Zomi u leh nau khua leh tui te zawngin genthei mahmah kawm kal ah hell khuk tung lai ding cih Topan veisak in musak hi. Tua banah mi genthei khat pen gilvah in pianthakna hong ngah in, Topa hoihna hong theih nading cih Ngimna tawh “Lainatna Ministry” hong piang khia ahi hi.
Gualzawhna te: (1) 1997 kumin naupang 50 tawh kipan in, 1998 kumciang 80 ciang khangto leuleu hi. 1999 kum ciang 120 in khangto leuleu a, 2000 kum ciang in 100 ah kiam suk kik hi. (2) Khua kim pan Boarder om nuam te tan 8 pan tan 10 ciang mi 80 om sak a, tution cial sak in mei zong pia lai hi.(3) Kum sial in October kha sial in Lainatna Crusede & Campign bawl tawntung hi. (4) 1977-2001 dong kum 4 sung Sia Nang Do Kap Speaker in zangin Sia (6) tawh Crusede bawl kawikawi in mi tampi in suahtakna ngah hi.(5) Sia Kap (Speaker) pa’n hong nusiat ciangin Crusede panin gammial nasep (Mission) ah ki laih in Rev. Thang Suan Am in director sem a, sang mang (6) tawh kum (6) sung Thahdo gamah kikhah hi. Topan thupha pia a, AG Pawlpi nga kiphut hi.(6) 1997-2010 kum 13 sungin Lainatna Ministry panin tan 10 mi 23 in zo hi.
