Pa Suan Gin Hang
Gamngai khua Pu Khen Za Thang(Suantak, Dopmul) leh Pi Mang Khaw Niangte sung pan 15-4-1945 kumin Gamngai ah suak hi. 1947 kum Lamthang ah pem hi. 1955-19957 dong SMP Sial thaw-ah tan 3 zo hi. 1958 kum SMS Gamngai ah tanli zo hi. 1966-1967 Lamthangah kanteng(Tamah) van zuak hi. 1962 kum Tampidaw tang suah hi. 1971 kumin a innkuan un Baptist ah lut uh hi.
Zineihna: Bumzang khua Pu Hang Cin Kam,(Hawlhang) leh Pi Than Za Vungte’ tanu Ciin Khan Mang tawh kiteng a, tapa 6 leh tanu khat nei hi. A zi in 1994 kumin hong nusia a, Nu Ngai Hau Cing, Taithul tawh kitengin tapa 1 leh tanu 1 nei hi. 1968 pan tudong Tedimah sumbuk zuak in kivak hi. 1973 kumin piang thak hi. 1974 in ABM ah upa sem hi. 1975 kum ciang EBC ah upa sem hi. 1977 ciang AG pawlpi ah upa sem hi. 1973 kum Sakollam vengah innkhat lei in om hi. 1982 kum ciang Kamhau lampi Myoma vengah taihinn dawl thum khat lamin om hi.
Tate: (1) Thang Tul Mung, BA. + Khup domna (USA), (2) Kam Hau Pau, PhD. + Nu Don Ngaih Hau, Korea, (3) Niang Dim Cing, BA., M.Div., BAG Nursery Tedim,(4) Pau Khan Piang BABS., BA. (Second year) USA, (5) Mang Khan Khual, (6) Vung Sian Hoih.
Nasepte: (1) BAG pawlpi sungah pawlpi upa, sumkem, lai-at, chairman huh sem den hi. (2) Peniel thungetna mual inn lamna kumpi tung pan ngah nading makaih hi. (3) Bethel Church Biakinn lamna-ah a zawh dong building committee sem hi. (4) Bethel Bible College 1990-1996 dong Board member sem hi. (5) Zo Christian Donghu committee(ZCDC) phuan khia hi(1978). (6) Zo sung Lai Siangtho sang kah mimal 17te huh ngei hi. (7) Emmau Harvest Mission mimal(14) tawh phuanin 1990 pan 1995 dong kum simin khua khatta-ah Campaign bawl hi. (8) 1998 -2006 dong campaign khua 8 ah 8 vei bawl hi.
