Pa Zam Do Dal
Heilei khua Pu Ngin Kam (Buansing) leh Pi Pau Za Niang (Buansing) te sung panin 15.9.1952 kumin Heilei khua ah suak hi. Sanggam Suahpih 8 lakah a 2 na hi aa, pasal lakah upen gamh luah pa ahi hi. 15.1.1978 kumin Pangzang khua Pu Suang Kho Pau (Guite) leh Pi Ciin Za En (Bawnkhai) te tanu Nu Vuum Lian Cing tawh zo ngeina tawh kiteeng uh hi.Primary sang SPS Heilei, Middle leh High School pen SHS Tedim ah kah hi. Agriculture High School Lungpi pan azawh ciangin Agriculture College Pyinmana ah Diploma ciang kah hi. 1975-1977 College kah akipan sum zon kipan pahin sang man ciangin khauthoh, akipan septheih khempeuh sem hi.
Pasian in thupha pia in Suang manpha dongin hong khang toto aa, India leh Kawlgam kawmin sum zong thei hi. Nasep na tangzai zawk nadingin Heilei pan 1976 kum Kawlpi ah kikhin hi. 1978 kum zi nei aa, tua zawh ciang nulehpa te kawlpi ah lasuk hi. Pasian sawlna om bang in 1996 kum ciang Kalemyo pan Yangon ah kikhin suk leuleu hi. Pasian in inn leh lo, mawtaw te akisam bangbangin pia hi. Bochohgyi ah zong kham leh ngun, suang manpha zuakna sum buk pi nei hi. Pasian it in zahtak ahih manin atuntun na khua Pawlpi ah upa sum kem sem kawikawi hi. Yangon Heilei kipawlna ah zong makai in kihel in pan nak lak mahmah hi. Yangon Buansing beh kipawlna ah zong thudot pawl in kihel aa, Pasian in it in thupha pia aa, zato siavuan te’n alawh theih loh hang Pasian in damsak hi.
Tate teng: (1) Magaret Niang Lam Man B.Sc (Chem) + Tual Sian Piang B.Sc (Chem),(2) Angila En Lun Niang L.L.B + U Win Hlaing Mon B.Sc, (3) Golati Cing Deih Za Lun B.E, M.E + Dr Zam Lam Thang M.B.B.S,(4) Michael Kam Lam Thang (USA) + No Berlin,(5) Mery Pau San Lun B.Sc (Chem) + Daw Winna Thun,(6) Peter Pau Sian Mang Grade 12 (USA),(7) Keneline Mung Sian Cing B.A (Eco), MIT –Business Major, (8) Joseph Thang Lam Tuang B.A (Geography) II Years.
