Captain Pau Za Langh
Pu Theu Za Thang (Gualnam) leh Pi Huai Za Niangte sung pan in 2.9.1962 kum in Tedim gam, Saizang khua ah suak hi. 2003 February 14 ni-in Nu Ngul Go Man(Tawmging) (Zum lai-at) tawh ki teeng a, tapa li nei uh hi. 1969 pan 1978 dong SMS, Saizang ah tan 8 ong hi. 1978-1981 SHS, Tedimah tan 10 kah hi. 1982 kum No. (1) SHS, Thanlyian pan in tan (10) Matric zo hi.
Galkap sep kawm in 1988 kum B.A. (History) leh Law Diploma(DBL) degree ngah hi. 14.51982 in galkap tum hi. 21.8.1988 in san khat ngah hi. 22.8.88 in sannih, 21.9.89 in san thum, 21.6.1989 in CSM ngah leuleu hi. 3.8.1993 panin Bathoo ah galkap[ mang OTS kah hi. 21.6.1993 in bawk khat, 11.6.1996 in bawk nih,11.6.1997 ni-in bawk thum, Captain ngah hi. Galkap lut a ki pan tentan bekbek tuni ciang kawlgamah 15 vei kah in, gamdang, Thailand ah nih vei na kah hi.
Tintah kahna tawh ki sai in laito lam leh cinaan (post and telegraphs) lam vive hi pha deuh hi. 2007 kum a ki pan gal kap panin Sadaih (laito,post) lamah kumpi in hei sak a, 2007 pan 2010 dong assistant Manager Post and Telegraphs Chin State, Hakha ah, 2010 pan 2015 March Assistant Manager Lashio Myo, 2015 April pan July kha ciang Manager, Lashio North Shan State, 2015 August pan tudong Shan State Manager Myanmar Post ah a sep laitak ahi hi. Kumpi lam pang panin pahtawina laipi 8 bang ngah khin ta hi.
Gamdang paina: (1)1.9.2008 pan 26.9.2008 sung (International Postal Service Course, Thailand, (2)4.12.2012 pan 7.12.2012 sung Postal Security (Workshop) Thailand.Tapate: (1) Tg. Thang Cin Tuang(Grade 7), (2) Tg Pau Khawm Lian Mang (Grade 5), (3)Tg Ning Sian Mung (Grade2), (4) Tg. Zam Cin Tung (Grade 1).
