Captain Thawng Za Dal
Pu Thual Khen (Hatlang) leh Pi Suan Khan Cing te sung pan 7.3.1950 kumin Kaptel khua ah suak hi. Unau (12) pha a, numei (6) leh pasal (6) ahi hi. 1956 kum pan kipan sang hongkah a, SMS Kaptel ah tan VII dong a zawh khit ciang Paltan tum hi. 4.7.1966 in Maymyo 2nd BATD galkap sin khit caing 3rd Kachin Rigfles hong tung a, Pyomyo, Konlungmyo te ah sem kawikawi hi. 1976 kum ciangin OTS sangkah theihna hong ngah a, 20.6.1977 pan 11.3.1978 dong Hmawbi OTS ah sangkah hi. Sangtuah ciang Bawkkhat tawh 80th Bugt ah nasep kipan hi.
1985 kum ciangin Bawkthum tawh 50th Yangon ah hong piang hi. 1986 ciang 2nd CTC Zezin ah piang leuleu hi. 1988 kum ciang 89th Budgt Kalemyo hong tung leuleu hi. 6.10.1988 ni akipan Thantlang khua ah Law and Order Restoration Council ah Chairman hong ngah hi. Galkap sungah galsimna tuamtuam leh operation tuamtuam te ah kihel in, a minthang Konlung ni 40 kisim na ah zong kihel hi. Thaukap kidemna lamzongah Medal tuamtuam ngah hi. Galkapsiam sinna sang nam 9 kah a, Platon, Company, Commander A/Q leh sangsia uk zong ngah hi.
1970 kumin U Phung Khaw Pau leh Daw Khawm Za Cing te tanu Nu Langh Khan Niang tawh kiteeng a 1980 kumin hong nusiat tak teh 1982 kumin Pa Suan Khan Thang leh Nu Lun Khan Cing tanu Nu Suan Sian Niang (Midwife) tawh kiteeng kik a, tapa 2 leh tanu 1 nei uh hi. (1) Tg Khen San Lian B.C.Sc (Hons), (2) Nu Cing San Luan B.A (Eng)+ Pa Thang Cin Lian (BA), (3) Tg Thang Sian Muan BDS leh tunu Lia Cing Sian Lian te nei uh hi. 1988 gam sung hong buai ciangin galkap in kumpi ki-uk na hong luah to a, Zogam khuapi Hakha ah Zo Zumpi leh Zogam bup uk na thuneihna khempeuh 2015 kum pan Shwepyithar Myonee galkap lui ki pawlna ah Chairman ngah hi.
Thu bul phuh: “Ka kha tha bek tawh na ma na tun zo ding hi.”
Sanggamte: (1) Nu Niang Man + Dong Khai (Songput), (2) Capt Thawng Za Dal + Suan Sian Niang (Siamphu), (3) Pa Thang Za Vung , (4) Nu Hau Za Vung + Lian Za Kam (Gualnam), (5) Nu Thang Don Lun + Khat Khaw Suan (Halkik), (6) Pa Vung Lian Kap + Gin Za Niang (Tangpua), (7) Pa Go Za Cin + Cing Go Lun (Songput), (8) Nu Zam Sawm Cing + Vung Khan Lian (Tunglut), (9) Nu Cing Khaw Dim, (10) Nu Dim Sian Zam + Pau Sian Thang (Duhlian), (11) Pa Thawng Khan Khup, (12) Pa Thang Kai te ahi hi.
Lungdam kohna: AZBC pawlpi Tin Jubilee pawi tawh gawm khawm in nupa ki teen zawh kum 25 cin Jubilee lak zawhna leh pawlpi sungah upa makai president, secretary dongah Pasian in hong laptoh manin lungdam ko den hi.
