Col. H. Kam Pum
Pu Kai Khaw Thang leh Pi Ngoih Hau te tapa hi a, 4.7.1936 in Phunom ah suak hi. A zi Nu Thuam Uap tawh tanu 4 leh tapa 1 nei uh hi.
Sangkahna: 1945-49 in Zolai Tan I pan Tan IV dong Phunom ah sin hi.1949-51 dong Mangkang/Kawllai Tan IV pan Tan VI Phunom P.M.S ah sin hi.1951-52 dong Thuklai SHS ah Tan VII kah hi.1953-55 sung Tan VIII pan Tan X dong Tedim ah kah hi.1956 kumin United Christian High School pan Tan X zo hi.1956-58 sung I.Sc (Part A leh B) Yangon University ah zo hi.1959 kumin T.T.C Kanbe, Yangon ah kah hi.
Siam sinna dang: 1956-58 in U.T.C ah kihel hi.1960 in O.T.S 27th Batch kah hi.1961 kumin Basic Military Intelligence Officer Course, 1963 kumin Field Engineer Junior Officer Course,1971 kumin Field Engineer Senior Officer Course, Member 1968 kumin In-Service Political Course,1969 kumin In-Service Organization Course,1973 kumin Company Commander Course kah hi.1978 kumin In-Service Organization Orientation Course,1979-80 kum sung General Staff and Command College kah hi. 1983 kumin Military Law Course kah hi.
Nasepna: 1960-62 in 2nd Lt.za tawh Platoon Cdr.5th Buregt; Mongtung ah,1965-74 in Lt. leh Capt. Za tawh PI/Coy Cdr. In 5th Buregt, Toungoo/Phyu ah, Henzada (Hinthada) ah 1974 in kha 4 sung Capt. Za tawh Coy Cdr. In 18 Buregt ah,1974-80 in Coy Cdr. Major za tawh 106 Light Infantry Regiment ah, 1980-81 in G2,T.O.C. 633,66 Light Infantry Division ah Major za tawh, 1982-84 in 2 I.C 20th Buregt, Sittwe ah Major za tawh, 1984-89 in Lt. Col.-C.O..79 Buregt Meikhtilar ah, Lt. Col. Tawh 1984 (kha 5 sung) A.S.O (I) North-East Command ah sem hi. 1989-91 in Col. Za tawh Tactical Operation Command ah, 88 L.I.D ah, 1991-92 in Colonel, Area Commander, North-West Command, Monywa ah sem hi. Galkap a sep sungin 2 vei liam hi.
Thu tuamtuam: kumpi na kum 30 a sep khit 1992 December ni 30ni-a kipan leitung nasep tawlnga in Khazih ading nasep kipan hi. Manglai pan Kawllai leh Zolai in laibu tuamtuam letkhia hi. 1997 in Austrilia a Biakna thu kikup kikhopna ah kah hi.
Thubulphuh: 1. Ut thong lo ding, 2. Thuman ding, 3. A hoih lam-a thangpai ding.20.8.2005 ni-in lamet loh piin hong nusia hi.