Col. Khen Za Moong

Sub. Maj. Thawng Za Kai leh Pi Lian Kho Niang te sung panin Maymyo khua ah 27.5.1924 ni-in suak hi. Nu Lun Khen Cing (Adeline Moong) tawh kiteng a, tanu 2 leh tapa 3 nei uh hi. Tu 7 nei hi.

Sangkahna: 1930 in King Edward High School, Taiping-Federated Malay States ah kah hi.1933 in
A.B.M sang, Maymyo ah kah hi. St.John’s High School, Yangon ah Tan IV dong kah hi. 1937 in Tedim ah Tan V kah hi. 1938 Govt. A/V High School Maymyo ah kah hi.

Training paina: 1945 kumin Deradun khua India militaryAcademy kah hi. M.T.O Course, India mah ah kah hi. 1949 in Burma Army Staff College Course No. 2 ah kah a, 1952-53 in Sr.Officer, India ah kah hi. Nasepna:I.M.Apan2/Ltngahhi.A.B.R.O. Commission ngah hi. 1942-44 Chin Levy galkap Platoon Commander sem hi. 1943 in mawtaw lampi tawhna ah lambu sem hi. 1946 in Bruma Re-inforcement Bn. Ah Lieutanent ngah hi. 2nd Chin Rifles (Shwebo leh Mingalardon) te ah Captain a ngah dong sem hi. 1947 in Captain leh Major tawh D.A.A.G (Officer Section) Burma Command (Burma Section) ah sem hi. 1948 kumin A.B.R.O. Commission pen Burma Commission suak hi. 1948 in War Office kiphuat ciangin Major tawh Military Secretary sem hi.

1949 kumin Son Force Commander sem hi. 1950 kum ciangin Lt.Col. CO. 2(E) Chin Rifles ah sem hi. 1950 kumin Lt.Col. CO. 2nd Chin Rifles ah sem hi.1956 kum ciangin 12th Buregt ah sem hi.1958 ciang Colonel za tawh MilitaryAttache, Karachi, Pakistan ah sem hi.1959 in 6th Brigade ah Commander sem hi. 1960 in China ah MilitaryAttache sem hi. 1963 kum ciangin South East Command ah Dy.Commander sem hi. 1965 in 11 Brigade ah Commander sem hi.1970 in SWC ah Dy. Commander sem hi.1972 in Chin Special Division Security and Administration Committee, Chairman sem hi.

1974 kumin Chin State Chairman sem hi.1974-78 in Council of State Member, 1978-81 Member of Attorney (Upadi Akyosaung Aphwe Wun), 1981-85 in Member of Justice (Tayathugyi Aphwe Wun) sem hi. Matutnate:1)Tedim khuaphelep mei, 2)Tedim tualpi, 3)Khuado Hall, 4)Khua sung kattaza lampi, 5)Suahtakna mualsuang, 6)Thuamvum zintun inn, 7)Galkap lui kipawlna inn mun, 8)Zomi dial, puanten leh Zo niktual, 9)Sialtang tuilakna te ama om sungin vaihawm khia hi.1975 in Galkap pan pension la a,1986 in Naingnganzi pan tawlnga hi.

Minphatnate: 1954 in Zeya Kyaw Htin cih Minphatna ngah hi.1986 Naing Ngant Gonyi First Class ngah hi. Rev. Langh Khan Hau in Colnelpa a phuah:
(a) Namcih zatam, tongdot zuapa Sian in ni bang awi hi ee,
(b) Namcih vontawi, taang ki tawi lai-ah nang bang kekkek omlo ee.
(a) Pupa satsa Dimtui vangkhua, giabang zuunna MKK foundation, na geel cing sa’ng ee
(b) Lengvan siangpan puvon ngaihte’n hong zo vevua, Dimtui tual tawh etlawm sa’ng ee.