Lt. Col. Kam Cin
Khuasak khua Buansing tuu Pu Hang Cin leh Pi Lam Awi te ta 9 a neih sung pan a naupen ahi hi. 8.10.1933 ni-in Khuasak ah suak hi. 1939 kumin SPS Khuasak ah Tan 4 zo hi. 1947 kumin SMS Thuklai ah Tan 8 zo hi.1952 kumin SHS Thuklai ah Tan 10 ong hi.
1953 kum Kawlgam galkap sungah lut hi. Mandalay No.2 BA.T.D ah tintan sia sem a, San nih ngah hi. 1958 kum ciang Bu tintan (OTS) kah a, 22.6.1959 kumin 2/Lt, 1959 December kha ciang Lt, 22.4.1975 kum ciang Captain,10.10.1981 kumin Lt. Col. ngah hi. Communist te tawh Pansai/Kyukuk kidona ah gal zo gawp ahih manin maipha ngah mahmah hi. A damloh ciangin Mingalardon galkap zatopi ah zato lup sungin galkap Kumpipa Saw Maung thapiak hehnepna ngah hi.
18.2.1988 ni pension la in, 1990-2000 sung Kalaw Myone galkap lui kipawlna ah Chairman a sep laitak 15.4.2000 ni-in leitung nusia hi. Khuasak khua Pu Son Za Cin tanu Nu Cing Pum tawh kiteng a ta 5 nei uh hi: (1) Felix Cin Khaw Hau, BSc.(Math), UFL Japanese Diploma(USA), (2) Daniel Cin Do Pau, BA.(Geo.)+Daw Shwe Mar Than, BA(Eng.),(3) Lois Awi Khan Ciang, BSc.(Phy)+Pa Nangpi(USA),(4) Mary Ngiak Khan Nuam, BA(Geo)+Ko Zyi Thwe, BSc.(5) Eunice Man Khan Cing, BA(Hist)+U Kyaw Lin, BA.
