Lt. Col. Khai Mun Mang
Pu Khai Khup leh Pi Kim Niang te ta 7 lakah a nau pen hi a, 1924 kum November 12 ni-in Thuklai khua ah suak hi. Tan1 pan Tan8 dong SMS Tedim ah kahin, Tan9 leh Tan 10 SHS Falam ah kah hi. 1941-42 kum Matric SHS Maymyo a kah laitak gal pi nih na Japan gal hong tung hi.
1945- 46 kum ciang Assam State Shillong College panin Tan 10 ong hi.1946-47 kumin India gam Calcutta ah I.A (A) kah a, 1947-48 kumin I.A (B) Rangoon University ah ong hi.1957 kum ciang RASU B.A degree ngah zo pan hi.1942-45 kum Japan te hong uk sung, Chin Defence Army ah Platoon commaander sem hi.1950 kumin O.T.S batch(3)kah a, 2nd Chin Rifles ah lut hi.1953 kumin 2/Lt ngah in Naunglebon ah sem hi.
1953-56 sung Captain tawh Kwetkhai ah sem hi. 1957 kum ciang England gamah thauvui thautang tawh kisai tintan vakah hi.1965 kum ciang thauvui thautang tawh kisai Officer ngah in Major zong kipia hi.8.12.1979 ni- in Lt.Col za tawh Mingalardon hong tung hi. Galkap a sep sungin 3rd Kachin Central Ammunition Depot, Mingalardon leh Mandalay ah ahi zong, central Vehicle Depot Mingalardon te ah sem kawikawi hi.
1981 kumin Kanpellet panin Chin State Pyithu Council kitel na ah mee ong in tua pan Chairman of Chin State Pyithu Council hong ngah hi.1985 kum ciang galkap pan hitaleh Council pan hitaleh kum cing pension la hi.2.5.1952 ni-in Pa On Cin leh Nu Ciin Kam te tanu Nu Nuam Za Cing tawh kiteng a, tanu tapa 4 nei uh hi.23.2.1990 Topa tawh mangkhawm hi.
