Major Thual Khup
Muizawl khua Pu Kham Thang (Gualnam) leh Pi Lian Vial (Telsiing) te sung pan Muizawl khua ah suak hi. Nu Lian Za Ciin (Hatlang) tawh kiteeng a, Pasian piak thupha tapa khat bek nei-in Bo Thang Khan Hang (Bawknih Palik) ahi hi. Galkap sungah pilna a neih loh hangin thuman, citak, kuhkal ahih manin zaa khang toto a, Major tawh pension laa hi. 1956 December 23 ni in a tenna Tedim khua ah sia, a upi pan Muizawl khuaah puai ngui hi. 22.4.1949 ni-in KNU-KNDO te tawh Insein ah nasiatak kido na om a, I Chin ah Comading Officer Lt.Col Hrangthio, II Chin Comanding Officer Lt.Col Son Kho Pau leh Major Thual Khup in sem hi.
Insein gal sungin I+II Chin panin Zomi galkap mang leh a neuzaw te a si leh a liam 300 val pha hi. Taih Chon in Aung San Turizah Buaih ngah a, adang khat in Tihah Tuzah Buaih ngahin adang 16 te in Tuzah Buaih ngah hi. Midang tampite in Galhang ciapteh na Tazeih ngah uh hi. Insein galzawhna Zomi galkap te hang hi cileng kikhial lo ding ahih man kong at hi.1954 kum Major Thual Khup Pension aciah teh ama mun ah Major Tual Khen Pau kikoih hi.
1955 April kha in General Newin in Khamtung hong pai a, Letsong pia kawikawi in Major Thual Khup Ngun namsau pia hi. Major Thual Khup in tapa khat bek nei a, Bo Thang Khan Hang hi in, Bo Thang Khan Hang in anuai ateng suanlehkhak a nei hi.(1) MajorKhupKhanMungYangon,(2)Tg Kam Khan Siing, USA, (3) Lia Cing Kaih Hau, YUFL, Yangon.1926 kumin Falamah galkap lut hi. Tha hoih na sep hat gal hang ahih manin 1947 kum in Major ngah hi. Gal hang ahih manin mangkang kumpi in victoria cross piak ding in geel a, Tonzongte captain Pau Za Gin haza in kamkuat a ngah lo hi.
Gualzawhnate: (1) Insein Kaziante do dingin U Thual Khup makai in Chin Rifles Battalian bup in gal vanleng tawh galte sim in zawh pih hi. (2) Insein gal a zawh khit teh, Twanty lamah Kayin galte sim dingin ki sawl in zo leuleu hi. (3) General Ni Win khua prome gamteng Communist ten la a, a sim dingin Major Thual Khup makai in Htauk kyant pan 2nd Chin bupin khe tawh kuan a, prome gam bup comminit te khut sung panin la zo leuleu hi. (4) Nyawnglebin gam Kayin gal leh communistte khut sung pan la zo leuleu hi.
