W.K.H. Subeder Maj. Thawng Za Kai
Pu Pau Khen leh Pi Vung Lun te tapa hi a, 24.4.1886 in Muizawl khua ah suak hi. A zi Nu Lian Khaw Niang hi a, tanu 7 leh tapa 3 nei uh hi.
Nasepna: 1907 pan 1910 dong Tedim ah palik sem hi. 1910 pan 1917 dong Tedim, Falam, Hakha te ah kamphen sem hi. 13.5.1917 pan 12.8.1918 dong 62nd Burma Labour ah makai-in Piancit (France) ah pai hi. Mangkang kumpipa King George V tawh Buckingham Palace ah kimu hi. Piancit paina ah nasep hoihna hangin Lieutenant Governor R.H. Craddock in Minphatna Ngun Nam in pahtawi hi.
1918 pan 1921 dong Tedim, Falam, Hakha te ah kamphen sem kik hi.1.12.1921 ni-a kipanin 4/70 Chin Rifles ah Galkap Bawk khat tawh paltan tum hi. 16.9.1922 in Bawk nih (Subedar) ngah a, 1.1.1934 ni-in Subedar Major ngah hi.1932 in Chin Rifles pan Burma Rifles ah piang hi. 1926 kumin India gam Ahmed-nagar khua a Machine Gun School ah nasep sinin zo hi. 1929 in Indian Army Certificate of Education (Roman Urdu) Second Class-in zo hi.1934 kumin Indian Army English Certificate 3rd Class zo hi.
1942 pan 1946 sung kumpi sawlna tawh Palik Bu sem a, Levy phuatna vaihawmna leh Japan gal nawhkhiatna te ah makai hi. 5.9.1937 in Subedar Major zaa tawh pension la hi.4.1.1950 ni-in Kawlgam President pa in Wunna Kyaw Htin Minphatna pia hi.1909 in Sa-ai hi. 1904 leh 1913 te-in Gal-ai hi. 1929,1933 leh 1937 in Sai-ai leuleu hi.
1933 kumin Sialtang sun in tong hi. 1941 kumin Sialkop go-in tong hi. Sai hapaksingseng 3 man a, a mat leh a aih ciamtehna in Saimual bawl hi.November 13,1951 ni-a khan kum 65 a phak laitakin Muizawl khua ah si hi. Gamdang paina: France, England, Taiping (Taiwan), Singapore, Malaysia, India gam teah pai hi.
Tanutapate:(1) Lun Za Cing + (1. Thang Za Dal 2. Neng Kap –Gualnam)(2) Ciin Kho Lian + Khup Za Sawm (Thangum) (3) Khen Do Cing+ Khup Khual (Songpuut) (4) Ning Khua Lian+Kam Khua Thang (Hatlangh)(5) Gin Khua Cing + Thang Khua Kai (Hatlangh)(6) Ciin Khan Cing + Son Kap Lian (Hatlangh) (7) Khen Za Mung + Lung Khen Cing (Kazian)(8) Pau Khan Thang + Niang Khan Niiang (Kawlte)(9) Cing Za Don + Gin Do Lian (Gualnam)(10) Zel Khua Lian + Vung Khan Niang (Suankhup) (11) Lian Za Man + Thual Za Thang (Gualnam) te ahi uh hi. 1. (a) Sang ka lakin, singkhua sun ee, ka min ciau gal ah let ee, (b) Sing tan siam bang hong nuih zong a, ka tawi zang ni ek hi ee, 2.(a) Tun vang siallum in pua ing ee, zua vang kawl ciang tawi ing ee, (b) Tun aw ning beel na gual ve aw, zua aw han zia na sa aw.
