Major General Tuang Za Khai
Khuasak khua ah July 1, 1927 ni-in Pu Khan Lian leh Pi Liang Cingh te sung pan piang hi. A zi Nu Tual Dim tawh tanu khat leh tapa nih nei hi.
Sangkahna: Government Vernacular Primary School, Khuasak ah kah masa a tua pan Tedim, Anglo Vernacular Middle School ah zomin Galpi Nihna kipatin Tan VI zo hi. Khuasak Private Middle School ah Tan VII zo hi. Tua sang Thuklai ah kituah a, Tan VIII leh IX Thuklai ah kah hi. 1946 kum Tan IX a sin laitakin Yangon ah piangsuk a, 1947 in Cushing High School pan SLC leh Matric zo khawm hi. 1950 kumin I.A (Sr) a phi dek laitak in Galkap Bu (OTS) No.3,Maymyo ah kah hi.
Nasepna: September,1950 in 2/Lt ngah a,1951 in Lt.,1953 in Capt., 1963 in Major, 1966 in Lt. Col., 1973 in Colonel, 1980 in Brigadier General leh 1984 in Major General ngah hi. 1985 ciangin Council of Peoples’ Inspector Member sem a, 1988 dong sem hi. January 1986 in Galkap pension la hi. Kumpi nasep Galkap kum 35 sung a sepna ah, Platoon Commander, Unit Intelligence Officer, Unit Education Officer, Coy Commander, Adjt; Staff Capt. A/G. 2 i/c Bn.CO; EO-LID; Dy. Comdr; Dy.Comdr-Regional Command, L.I.D –Comdr., Comdr.- Regional Command leh Quarter Master General te sem hi. Hih Galkap senate bek hi loin Western Chin Levies ah zong nasia takin sem hi. Japante hong uk sungin kamphen sem hi. Siyin Independence Army ah sem a, Sukte Independence Army tawh kipawl in gam adingin sem hi.
Minphatna: Naingngant Gon-yi First Class ngah hi. Gam leh lei adingin gualzo takin a sep zawh ciangin Galkap lui kipawlna Phualpi ah 1988 panin Secretary sem hi. Biakna lamah zong ahih theih zahin kihel a, YSBC ah khantawn Upa sem hi. 11.11.1995 kumin Topa kiangah hong ciah san ta hi.
Tatateng: (1)Pa Kam Do Dal + Nu Cingh Za Uap (2) Nu Cingh Thian Uap + Pa Mang Hen Dal (M.P) (3)Pa Khan Lian Khup + Nu Khin Khin Hlaing. A zi Nu Tual Dim @Daw Myint Myint Khaing pen gaam kek mangkang kumpi a do makai Bo Khai Kam’tapa Captain Ngin Zam (OB.BGM)leh Daw Khai Cinghte’ tanu ahi hi. Mangkang kumpi in 1939 pan1945 sungin (1) Burmastar (2) Burmar Star(3)Victory medalte zong pia hi. Zomi bup galkap sungah a lian penpen hi. 1988 pan 1995 hong nusiat dong galkap pension zum ah gambup lai-at (central head quater) General Secretary sem hi.