Siapi Phut Khaw Suan

Pianna khua:

Cingpikot, Tedim

Chin State

Beh: Buan Sing

Pute beh: Suante

Pawlpi: Tuiphum pawlpi

A Pa min: Pu Ngulh Thang

A Nu min: Pi Pum Ciin

Unau phazah:

Pasal (7) le numei (2) lak pan a (6)na hi.

Amau Unau Teng:

1. Rev. Son Khaw Kham (Baptist Pastor, Pension, Tedim)

2. Lia Suang Niang (A neu lai si)

3. Sgt. Khai Za Nang (Kalay Myo)

4. Rev. Ngin Khan Dong (JAT, UPC Pastor, Tedim)

5. RSM Thang Do Langh (Pension, Pinoolwin)

6. Siapi Phut Khaw Suan (Tan 10 Siapi, Tedim)

7. Sgt. Zam Khan Khai (Yangon)

8. Nu Dim Ngo Man (Ta 4 a neih khit teh hong nusia)

9. Durwan Thawng Cin Pau (Pension, Cingpikot)

A Sangkah Na Ngeite:

1. Tanlang pan Tan (6) SMS, Cingpikot

2. Tan (7)

SMS, Tuithang

3. Tan (

SHS, Loikaw

4. Tan (9), tan (10)

SHS, Tedim

5. B.A

Mandalay University

6. B.Ed

Yangon

Kumpi Na A Sepna Munte:

1. SPS Khinpong (1.8.1972-3.1.1977, PAT)

2. SMS Makuiimnu (4.11.1977-8.6.1978, JAT)

3. SMS Cingpikot (9.6.1978-30.6.1986, JAT)

4. No. (2) SHS Falam (1.7.1986-24.5.1988, SAT)

5. SHS Tonzang (25.5.1988-30.10.1994. SAT)

6. SMS Laaitui (1.11.1994-31.7.2003, Middle Head)

7. SHS Phasaung (7.8.2003-7.8.2006, High School Head)

8. SHS No. (2) Lawibual (8.8.2006-6.6.2007, High School Head)

Zi le Ta Neihna:

1984 kumin Nu Dim Khan Niang tawh kiteeng in tapa (2) le tanu (2) nei hi.

A tuntunna Khuate ah a Nasepte:

1. Pianna Cingpikot (Keizang) ah a om sungin khangno makai sem zel hi.

2. Falam ah a om sungin Veng Upa sem hi. Kawl Service makaipi sem hi.

3. Tonzang a om sungin sang ah Library makai sem hi. Lai lam le Kawl pau tawh thugenna ah thugen khuan ngah zel hi.

4. Tonzang Tuiphum Pawlpi ah Sia Vial Nang Library kiphuan a, tua lai ah thuzeekpi sem hi.�Tonzang VBC ah C.Ed thuzeekpi zong sem hi.

5. Tedim Lawibual Tuiphum Pawlpi ah E&M ah zong sumkem sem hi.

6. A neu a kipan Sunday School pan khang ahih manin biakna lam buiah B.Min zong ngah hi.

Minphatna, Pahtawina a Ngah Ngeite:

1. Myitina TTS ah a kah lai in khusiamna letsong ngah zel hi.

2. 1973 kum in Kawl gam bup mi sazian lakna ah Mindat gam sazian siangtho pen letsong ngah hi.

3. Mandalay TTC ah la lam a siam pen letsong ngah hi.

4. Tonzang Tan (10) Sang ah Kawllai hilh siam ci in letsong ngah hi.

5. Hakha Pyine bup piahkhan kidemna ah a hoih pen letsong ngah hi.

6. Kaya gam Phasaung ah sang pelh ngeilo, sangkah man letsong ngah hi.

7. Hong nusiatna:

8. Amah pen nasep hanciam nuam mahmah ahih manin a ni a nai dong mah in nasep pelh nuamlo hi. Natna lian lua a neih loh hangin kamsiatna tawh sikhang natna nei hi. Hong nusiat nitak in zong a lawmte tawh boarder ah nasem khawm uh a, a man ciangin inn ah ciah in a innkuante tawh lasa khawm, thungen khawm lai uh hi. Lup hun ta ahih manin lupna zuan in a sawt lo in a nuntakna Topa in 2007 June 6, 9:30 PM in hong laksak hi.

A tom pen in kaikhawm in a kigelh ahi hi. Khialhna zong om kha thei ding hi.

Ka Pa pen ka phawk mahmah aa, ka ngai mahmah hi.

Ka Nu pen kei ading in Nuhoih penpen hi in, hong dampih lai hi.