Suan Khan Mang

Rev. Thawng Khaw Nang leh Pi En Dim te tapa hi a, 28.3.1947 in Tonzang ah suak hi. A zi Nu Niang Sian Muan Lun hi a, tanu 1 leh tapa 2 nei uh hi. Sangkahna: 1952-1960 in Tan Lang pan VI ciang SMS Tonzang ah kah hi.1960-1963 in Kalemyo SHS No.1 ah Tan X dong kah hi.1963-67 in Arts & Science University, Mandalay ah B.Sc (Phy) degree ngah hi.1979-80 in Institute of Education, Yangon ah Dip.Ed ngah hi.

Nasepna: 1968 in SMS Kanpelet ah, 1968-71 in SHS Matupi ah semin, 1971-77 in Tedim SHS No.1 ah SAT sem hi. 1977-82 in SHS Tonzang ah sem a, 1977-82 in SHS Tedim leh 1978-82 in Tonzang SHS ah tavuan khan Siapi sem hi. 1982-90 in B.E.M.S Mualbeem ah Siapi sem a, 1990-91 in SMS Phunom ah
Siapi sem hi.1994-96 in Falam ah TEO sem hi.1996 panin tudong ASEO (Inspection) leh tulaitakin SEO (Inspection) Hakha ah sem hi.

Gualzawhna: SHS Matupi ah sang tualpi neihzawh nang makaihin kipatpih hi. Tedim Kam Hau tualpi (standard size) tawhna ah kihel hi. Tonzang tualpi (standard size) a cin nadingin Secretary tavuan la-in makai hi. 1982-90 in Mualbeem tualpi (youth standard size) dingin kipatpih hi.1990-91 in Phunom tualpi tuivun loh nadingin hawkguam tawhsak hi. 1992-96 in B.E.S.H No.1 Falam tualpi (standard size) dingin Secretary semin zawhpih hi.

Zomite la lam a khan nadingin Matupi ah 1968-70 in staff note hilh hi.1980 kumin Tonzang ah Band a neihzawh nadingun sangnaupang te tha tawh sumtha lawhin Ks.8,000 tawh leipih hi. Tonzang ah 1979-82 sungin tui bualna 120’ x 24’ khat bawlsak a, tui peek sinsak hi. Mualbeem ah leicial acre khat tosak a, kaphi kung 680 suansak hi. A zawdeuh in Zomite pilna taktak angah nading, gamtat luheek ahoih nading, laivuan na ah guksim omlo laideihna tawh hahkatin laivuan nading deihsakna tawh a nuntakna it lo in thuman tak in ama kaih laitak 8.9.2002 ni-in anei pa leh asam pa Pasian kiangah hong ciahsan ta hi.