Bo Suan Khan Thang

Pu Tual Za Kham leh Pi Ciin Cing te tapa upa pen hi a, July 17,1924 in Tuitum khua ah suak hi. A zi Nu Niang Khaw Dim tawh tanu 5 leh tapa 4 nei uh hi.

Sangkah na:1935 kumin sangkah kipan a Tonzang ah Tan IV a zawh dong kah hi. Tan V leh Tan VI Tedim ah kah a, 1941 kum Japan gal hangin zom suak nawn lo hi.

Nasep na: 1942 kumin Tedim Sikkhau to ah sem hi. 1943 pan 1944 dong Galpi Nihna sung Mangkang kumpite khut nuai-ah lambu semin Japante hong uk sungin Japan galkap tuma, san nih ngah man hi. Japan gal ven ciang 1945 in galkap lut a 2^nd Chin ah semin, 1961 kum ciangin Lieutenant tawh pensen la hi. A galkap sep sungin kimawlna tuamtuam ah kimawl in gualzawhna cup tampi ngah hi. Tonzang SHS ngah nadingin a vaihawmte lakah khat in kihel hi. 1963 Revolutionary Council kumpi a kah ciangin ei Zogam a makai ding Falam ah khat Hakha ah khat leh Tedim ah khat mi muanhuai 3 a kitenna ah Tedim gam ai tangin amah kiteeng hi. Tua hi a, Tawlanzi kumpi (Revolutionary Government) Party Cadre kuan masa pen ahi hi.1964 in Tedim Party Unit ah Secretary sem hi. 1971 kumin Party Zumpi ah Tha-nah-su-hmu sem hi. 1972 pan 1974 dong Tonzang Township Nah-lah-kah Secretary leh Zogam Pyitu Council kitelna Sub-Commission ah Chairman sem kawm hi.1976 in Zogam Pyine Zumpi Hakha ah Aloh-Ahmuhsaung (EC) leh Secretary kum khat le alang sung sem hi. Tua kum a kipanin Yangon a galkap-lui kipawlna Zumpi ah a loh a hmuhsaung Committee sem hi. Tua pan a nihveina Pyitu council kitelna ah telcing a, Pyine Lohngan Sitsizi A phuaih –Ohkathah (Chairman of Chin State Inspection Committee) asep laitak kumpi na a sepna mun Zogam khuapi, Hakha ah April 3, 1981 nitak 10:00 in a zi leh  tate nusia-in Topa kiangah hong paisan hi. Hakha pan a naseppih kumpi nasemten a khua Tuitum ah pua uh a, a nu a pa kiangah vui-in a han hoih takin bawlsak uh hi.

Atate: 1. Dr Kham Lian Pau + Prof Dr Aye Aye Ngun 2. Pa Khen Lian Thang + Prof Dr Mai Mea Khin 3. Tg Kap Khen Mang B.Sc (Geology) 4. Tg Khai Khan Mung,5. Nu Cing Lam Niang B.A Lab,Officer + Pa Kam Cin Hau LLB,6. Nu Cing Lian Vung B.Sc (Physic) + Dr Vum Lian Thang (Victoria Hotel Owner), 7. Nu Cing Hau Man (Blue Staff) + Pa Vungh Lian Thang B.Com.,8. Lia Nuam Lun Cing, 9. Nu Sian Muan Cing B.A (Hist) + Pa Vungh Za KhanTenna: Tuitum khua, Tonzang Tsp.