Pu Hau Za Lian
Pu Pau Za Cin (Sukte) leh Pi Zam Khaw Niangh te sung panin 14.4.1912 ni-in suangzang khua ah suak hi.Pi Lam Khaw Ning tawh kiteeng a, hong nusiat ciangin Pi Ciin Khaw Niang tawh kiteeng leuleu hi.
Pilna tawh kisai: 1. 1920-1924 -Burmese Primary School Tedim. 2. 1924-1928-Anglo Vernacular School Tedim.3. 1928-1932-State Middle School Tedim. 1932 March kha in Tan (7) ong.
Nasepna tawh kisai: 1. 1932-1939 Suangzang khua Chief nasem2. 27.4.1942 ni pan kipaninWestern Chin Levy ah Commando Company Commander sem. 3. 20.6.1944 ni-in Sukte Independence Army (S.I.A) Phuan. Hi hun sungin Kawlgam makai Bogyoke Aungsan in AFPFL (Anti Facist People Freedom League) a phuat hun tawh kituak lian hi. Pu Hau Za Lian makaih S.I.A galkapte hanciamna tawh Japan galte Tedim gampan 27.11.1944 ni-in kinot khiazo hi. 4. 1956 kumin Tedim gam No.2 Counstituency Chamber of Nationalities panin M.P in kiteel a, 1958 kumin Chin Affair Council Chairman 1960 dong sem suak hi. 5. 1974 kum 1st Council hunin Tedim Myo thukhen Chairman ding kiteel a, hun bei dong semin nainganyi pension ngah hi. 6. 1967 June kha a kiphuan Tedim Myone lokho kipawlna pan EC in kiteel a, lo khawhna tawh kisai trainng zong Central Political Institute Mingalardon ah nipi 6 sung kah hi. 1977 kum ciang kawlgambup lokho kipawlna-ah E.C khat in kiteel hi. 7. England kumpi in beh leh phung zui-a Ukpi leh Hausa a sepna thu hoihsa loin amah makai-in 1947 kumin England kumpi tungah angetna tungtawnin England kumpi in Ukpite leh Hausate hehnepna sum pia ahih manin beh leh phung zui a Ukpi leh Hausa sepna bei hi.
Suangzang khua ading nasepnate: (a) 1946 in zolai sang phuan.(b) 1948 in Manglai tan 7 sang phuan,(c) 1955 in Health Centre ngah sak, (d) 1963-64 sung Taangthuam lei tangah buh ciin theih nading kumpi huhna leh khua mite thagui thatang tawh tai 3 kigamla luipi pan tuila in acre 80 ah buh kicing thei in Suangzang khua mite in kum lang sung khom thei uh hi.
