Pu Kham Suan Mung
Pu Ling Za Thang (Gualnam/Haalkik) leh Pi Kham Hen Niang (Taithul) te tapa nihna hi aa, 1954 Feb (13) ni-in Tedim gam Thangzang khua ah suak hi. Amau unau (1) Tg En Cin Pau, (2) Siama Cing Ngaih Man (EBC) Tedim, (3) Pa Kham Suan Mung (M.P), (4) Rev Khai Khan Suan (D.D) BAG.Tedim, (5) Siama Hau Go Cing BAG.Tedim (6) Rev Zen Khan Khup M.O.R.AG Yangon, (7) Rev Hang Khen Dal B.P.C.AG Mogok, (8) Dr Tual Lian Tuang B.I.C (Bethel Academy) Yangon, (9) Nu Don Zam Dim Tedim te ahi hi.
Zileh ta neihna: Pu Hang Khan Thang (Taangpua) leh Pi Ciin Khan Niang (Neekgen) te tanu upen Nu Vial Khawm Mang tawh 1978 kumin kiteeng aa, tanu (4) leh tapa (2) nei uh hi. Atate (1) Siama Niang Lam Lung B.A (Geology) M.Div, Yangon; (2) Lia Niang Sian Nem B.Sc (Chem) Tedim; (3) Tg Thang Sian Muan Lian B.Sc (Chem) Tedim; (4) Nu Man Ngaih Nuam B.Sc (Geology) Yangon; (5) Lia Cing Lung Ciin B.Sc (Botany) Tedim; (6) Tg Thang Sian Siam B.A (Eng) Tedim te ahi hi.
Sangkahna leh nasepna te: Thangzang khua zolai sangah 1961-1966 sungin tan (4) zo in, 1966-1974 sungin Tedim sangpi ah tan 5 pan tan 10 ciang zo hi. 1975 April panin Tama (Co-op) ah kumpi nasem in 1993 kumciang in lai-at pi (U.D) zaa tawh pension la hi. 1944 kumin USDA () Tedim Township Secretary pan mun tawh kum (16) sung nasem hi. 2010 kum ciangin USDP party pan meekuang lui aa, teel cing ahih manin 2011-2015 sung kawlgam bup Upper Parliament ah Member of Parliament (M.P) ong sem hi.
Kum 2012 pan 2016 ciang USDP party ah ah zong kihel hi. Ama (M.P) sep hun sungin zogam (Tedm) leh zomi te hamphat nading vei mahmah ahih manin, pilna sanglam, cidamna zato lam, lampi, lei, kumpi zum lam a ding nam (25) bang Parliament ah thu sung hi. Ama vei tuam na tawh in, zomi khangno siamsin siavuan (M.C) sang kah mi (15) te a sangman dong khasim in huhna ks.50000 ta angah nading un ah huhna ngetsak in, lungdam mahmah uh hi.
Thu tuamtuam:
(a) 2006 April in USDA vaihawmna tawh Sen gamah kawlgam tang mi-in pai hi.
(b) 2014 November in, Upper Parliament Speaker (Chairman) zui-in Thai Parliament tawh kimuhna ah kawlgam tang mi-in pai hi.
(c) Kimawlna lam uk mahmah a, 1990 leh 1991 kum te ah Chin State tang in Tennis ()ah kihel hi.
(d) 1994 leh 1997 kum te ah Chin State tang in Golf ()ah kihel hi. Pu Kham Suan Mung pen Pasian um, Pasian muang mahmaha khat hi aa, “Kei pilna kei siamna hang hi peuhmah lo in, Pasian hong piak thupha hang bek tawh hi ciang ka tung hi” ci-in teci pan den aa Pasian min a phatphat thu um mi khat hi.
