Pu Thang Tuan

Mualpi khua Pu Kai Thuam (Songput) leh Pi Niang Am (Songput) te sung panin 7.6.1887 ni-in Saizang khua ah suak hi. Anu in kha 12 sung paai a suak zolo in Pu Tawn Neng zi-in mut khiat sak hi. Abeh ten “ki beh ten hang hi” ci-in mawh sak hi. Kum 13 aphak ciangin a pa Kai Thuam in 1990 kumin Saizang pan Mualpi satpih hi.

Mualpi khua Nu Zel Zen (Hatzaw) tawh kiteeng a, tapa 4 leh tanu 6 nei uh hi. -Kam Hau uk sung Tonzang khua ah kawllai sangah tan 7 sin hi.-1917 kum galpi masa in Piancit kuan a, 1918 in cidam in hong tung kik hi. -1921 kum saklam (Lusuang) gal kuan leuleu a, gual zo in hong tung kik hi. -Leitung thu beh sung thu khat vei azak sa peuhmah mangngilh ngeilo hi. -Kaptel khua Pu Song Theu (malneu) tawh Piancit leh saklam lusuang gal kuan uh hi. -Saizang Songput beh te in sam a (14.11.1947-18.11.1948) khukhat sung thu gensak ngiatngiat hi. -1948-1964 kum sung Mualpi khua ah upa leh Hausa sem toto hi.   -23.4.1955 kumin General Newin in Pu Thang Tuan SBBL-gun with 25 rounds pia hi.

Midang tawh:

(1) Song Theu in, lawm Thang Tuan aw Hau Cin Khup langpan ni kipha sak lua ci hi. Thang Tuan in Ei hi leeng ama sang khelzaw lai ding hihang ci-in ut lo hi. “Song Theu in Thang Tuan tawh ka kipawl sang Teipi hoih khat khun leng kipzaw vang” cihsan hi.

(2) Song Theu in khat vei zol kik a, “Thang Tuan aw, Ei gel in sitni sem ni, khat Tazalu lam, khat Tazakhan lam pang ni sum tam hong pia zawzaw zosak ni” ci hi. Thang Tuan in ken sum sianglo deih keng ci leuleu hi.

(3) Mualpi gam “Vomsem” kuam Pa Khup Za Mang leh Mualpi te kituh uh a, Pu Thang Tuan in Mualpi te tangin thugen in lungduai na leh thuman tawh agen ciangin Pum Za Mang te pata in pawlmat pah hi.

(4) Tedim Vuandok Carey in Tedim khua ah a sagawh a hawm dingin Thang Tuan tel hi. Lamka leh Lennakot kikal galkapte anguai te uk dingin sawl hi.

(5) Pum Za Mang in Japan galkap kumpi laikhak kikum dingin Thang Tuan nithumsung cial hi.

(6) Shan gam ukpi Saw Shwe Thaik laikhak kikup pih dingin Pum Za Mang in Thang Tuan cial leuleu hi. Pu Thang Tuan in na gam “Gungal teng Capt, Mang Tung Nung ding sak in, Thah dou gam leh Zou gam teng Phaitu Pa Lian Khaw Mang ding sak in la, Siah langhawm tuak in” ci-in sawl hi.

(7) Hausa (Ukpi pawl) in, thuhoih vaihawm Pawlpi (THVP) min phuak a, nautang pawl in, Khamtung suahtaak vaihawm Pawlpi (KSVP) Mang Tung Nung makai in hong phuah uh ciang Pum Za Mang lungkham a, Thang Tuan samin Tedim innpi ah ni giat sung thu ki kuppih hi. Pum Za Mang in Thang Tuan kiangah “Tuisawm sak Siah nang uk in kha sum Ks.60/ kong pia ding hi ci-in zol hi.

(8) Thang Tuan thanem na ah Zo la kiphuah khempeuh aphuak pa/nu a khua thei napin aman Zo la dawng khat zong phuak theilo hi.

(9) Kapteel Song put ten Pu Thang Tuan samin sagawh ziahziah in thu tampi adot lakah khat nalawm Song Theu in no Songput beh te Songput tungnung, Songput nuainung om uh the ci-in hong ko den hi ci-in dong hi. “Ka suah pan tuni dong Songput tungnung nuainung om nailo a, ahih hang tuni akipan in om ta ding hi” ci hi. Ahau zaw deuh teng Songput tungnung, azawng deuh teng Songput nuainung hi ding hi.

(10) 1968 kumin Saizang inn mun lo gam gi vai buai na om a, Kapteel Song Theu akoh leh Mualpi Thang Tuan nadong un ci-in hong sam a, kum 70 hun lai a thu singnuai pai khenziau hi. 19.6.1974 ni-in hong sihsan ta hi.