Pu Tun Kho Pum (General)
Pu Hen Gin (Baite) leh Pi Vial Ngaih (Naulak) te sung pan 1929 October kha in Singgial khua ah suak hi. 1930 kum ciang Singgial khua pan India gamah lal to a, 1948 kum ciangin Panglian khua ah teeng hi. Sanggam unau 3 pha uh a, Pu Thang Za Tun, Pu Neng Suan leh amah a nautum pen General Tun Kho Pum ahi hi.
Gen. Tun Kho Pum pen 1967 January 14 ni-in, MNF Lion Brigade Lt. Than Sei a makaih na tawh kiman hi a Tuiichang Camp ah koih in 1967 February 5 ni-in Zingsang nai 7:00 in MNF te’n thau tawh kaplum uh hi. Tuazawh kum 50 phial a sawt khit ciang adam lai a lawmte leh khanglai gam it makai te in Champhai District sungah aluang vaphong kik a, aguh sia teng singngat leh lamka kikal a khua Panglian khua ah gui kik uh hi.
North East India a Political Movement ma sawn pawl, Chin Liberation Army (CLA/ CNLA) Founder & President Gen. Tun Kho Pum sihzawh kum 50 khit ciang a kithuah pih CLA (Chin Liberation Army) society avei pawl in Lamka a community Hall huang sungah Mualsuang phuh ding geel in ground breaking ceremony a bawl lai un, GDA secretary & ZRO Coordinator Hang Sian Thang in nasep kipat nading honna nei hi.
A lawm te teek khin napin phawkna mualsuang phuh a sawm na thupi sa in Pu Gin Khen Pau in CLA society tungah ZRO Head Quarter tangin lungdam na gen hi.Pu Tun Kho Pum in Zomi leh Zogam a ding a nuntakna apiak na ah zahtakna sangpen kipia hi a, gam leh minam makai te’n etteh tak ahih na zong pulaak hi. Zomi te bek hilo, North East India a om mi khempeuh kigawm kik nading a, a ma pan lak na thupi mahmah hi cih hong pu laak hi.
Rev Khen P Tombing in Pu Tun Kho Pum in Politics abul hon phuh sak a, khangthak te’n ama sul ih zuih ding thupi hi. Khangthak te’n ih minam ih gam puah ni ci-in hanthawn hi. PC Party in zong Pu Tun Kho Pum in alawm te tawh thu kikupna mun a, a zat zel uh community Hall huang ahih manin tua munah mualsuang phuh sawm na mun hong piakhia Health Minister tungah lungdamna ko hi.
Zomi sung pan mipi hong makaih CLA Founder & President mual hong liam san sa General Tun Kho Pum (Baite) phawk gige nading adam laiten sum vom Rs.lakh khat bei in Kolkatta ah a bawl sak uh Mualsuang Lamka khuapi Hiang tam vengah 30.6.2015 kiphut hi.
ZRO President Thang Lian Pau (Guite) leh USA Zomi innkuan President Go Sawm Khup te kihel thei hi. Zinglam 11:30 in YPA General Headquater Hall ah General Tun Kho Pum phawkna lipkhap huai tak kibawl khit ciang ZRO president Thang Lian Pau M.P Thang So (Baite), Health Minister phung Za Thang (Tonsing), Parliamentary Secretary Vung Za Gin (Valte) MTDC Chairman T.Mang a (Vaiphei) MLA-Gin Suan Hau, DC pan Langh Khan Pau (Guite), Churachanpur Dc/IAS Lun Min Thang Haokip, te in a banban in thugen uh hi.