Lasak siam Thawn Kham

2 years ago

admin

4 minutes

Pa Thang Thawn Kham pen Tonzang khua Pa Kham Khan Pau (Samte) leh Nu Zen Ngaih Cing (Bawmkhai)te sung panin 11.3.1971 ni-in Tonzang khua ah suak hi. 16.9.2006 ni-in Nu Dim Ngaih Lun tawh kiteeng a, Pasian piak thupha tapa 3 leh tanu 2 nei uh hi. Pianna Zuapa 27.7.1977, pianna Tuun nu’n 3.6.2011 hong nusia hi.

Sangkahna: -Tan lang pan tan 10 dong SHS Tonzang 1991-92 kum Matric (tan 10) zo.1994 kumin B.A (Psychology) First year zo inzom nawnlo hi.1992-93 kum SHS Tonzang ah PAT (Zolai sianeu) kumkhat sem hi.-1994 kum akipan uk na tawh kizui in Yangon tuak suk a, (May Studio) ah sem hi. 1997 kum ciang ii Home Studio thak ah Studio kipat sak hi. 1999 pan December Studio ah 2002 dong sem hi. 1995 kumin Kawlla (Love song) dawng khatin 5000 (tul nga) in hong lei a, tua pan tuni dong hong kilei toto suak hi.

Ukna (Hobbies) : i) Vasa ben. Ngasa ben. Sa ben uk ing. ii) Ka nun taak pih ukna bel Music hi.

La khui bawl te: -1999 kumin “Itna ngaihna” (Tape) kabawl aa, Zogam leh Zomi ong phong mahmah ahih manin sum hongsik ih Topa leh Zua Siam tetung lungdam ka ko hi.

-2001kum in “(Tape) kabawl aa, tuni dong ki sasa lai hi.

-2003 kumin “Thangho lehLiando” (Tape) kabawl aa, ong kideih sak bilbel hi.

-2005 kum ciang tawh ka late uh (Duet-) in Chin huam lasa minthang te tawh kabawl thei hi.

-2009 kum ciang “Live in Zomi” cih Live Video kabawl hi.

-2014 kum ciang “ CD, DVD kabawl thei hi. -Pasian phatna la khui tuamtuam ah zong ka kihel kawikawi thei hi.-Kawl la Zo la ka la phuah vekpi tuni ciang dawng (100) kim phata hi.Pasian leh Zomite itna tawh 2006-Lamka, 2007-Malaysia, 2008-Germany, 2009-Malaysia, 2010-USA, 2011-Malaysia+ Singapore khuapi te ah Zogam leh Zomi itna late ka va sa thei hi.

Lungdam kohna: Tu ciang ka innkuan nuntakna (Music) nasep hi aa, Pasian leh Zomi te vang ahi hi. Ka inn ka lo ka sai te uh pen USA a om mipih te hongguat ahi hi. A nai a gamla a om Zo mipih te Pasian in cidamna, daupaina, gualzawhna hong pia kim ta hen. “Tonzang ah kapiang aa, Tonzang ah kiteeng hi.”

GZC pan dotna leh dawnna:

GZC Q1. Laphuah/Lasak lam na kidiah zawh asawt ta na. Nong genthei ding hiam?

TK: La phuah pen 1986 kum pawl pan ki pan hi ngel ning.

———

GZC Q2. Zomi sung kawlla, mangla leh minam dangte i la vasak pihthei le va tumpih theiding ih neih na angtang hiam?

TK: Ei aa ih zawh khit teh namdang te’ aa ih bat toh zawh leh gual tung tuang hi hang.

———

GZC Q3. La/Music/Note nang i idea ngiat tawh nagelh gei hiam, Na lasak/laphuah/ lakpan hoih nasak pen in bangla?

TK: Ka late Recording bawl teh keima idea vive tawh ka bawl hi khin cih theih hi. (Kawlla/Zola), A hoih pen hih hi cih tuam ding thei lo.

———

GZC Q4. Zomi te koici kalsuan leng mailam ah music lam ki khangto theiding?

TK: Music sung ah Itna. Veina, Thuakna le Siantho na cihte nungta leh.

———

GZC Q5. Music tawh a kisailo na gennop khatpeuh hong luikhia dingin hong thuum ungh.

TK: Music pua lam tawh ki sai ah bel gen theih luat hau keng. Angsung bek ki khual lo ding. Pasian thu zui vive ih teh ih piak khiat na te’ a zah tampi ngah ding bek lam en aa pia lo ding. Mizawng genthei te huh in’ en ding. Ci ni ei. Lungdam.

———

GZC :- Kohzong nakpitak lungdam lua ei maw, kahun geelte uh hong picinh nahih manin, mailam ah na kalsuan na, nasep, nabawl khatpeuh ah Zomi te a laamsang zo semsem dingin hong lamzangh toto laita in. Na Zomi pihte in hong angtang lua ungh ei maw.

———

SOURCE: Global Zomi Celebrity pan Facebook Page

#Composer #Music #Pasal #Samte Beh #Tonzang #Vocalist