Dr Lian Za Khual
Tuimui khua Pa Kham Khan Thang (Guite) leh Nu Niang Hau cing B.Sc, B.Ed (qualified) JAT te sung pan 3.12.1992 kumin Sagaing (Yuatitgyi) ah suak hi. Sanggam laizom pasal khat bek nei hi. Tg Thang Khawm Cin B.A (English) hi.
Sangkahna: (1) Tan lang pan tan sawm dong Sagaing Yuatitgyi High School ah kah hi.(2) 2008-2009 sang kumin Matric zo a, All-D ngah hi.(3) 2009-2016 sung Institute of Medicine Magway MBBS zo hi.(4) 2016 September 3 ni-in Institute of Medicine Magway House Surgeon.(5) Tan 4, tan 6, tan 7 kumin sang bup ah anihna ta ngah den a, tua lo teng tan lang pan tan sawm dong akhatna ngah den hi.Tan sawm kumin laivuanna ah All-D ngah a, mat ngah te, Myanmar-76, English -83, Maths -88, Physics-90, Chemistry-85, Biology-84 matgawm 506 hi.
Lungdam kohna: Ka neu tung pan tuni ciang dong cidamna, gupkhiatna, pilna hong pia Pasian, tapa pasian leh Kha Siangtho Pasian tungah lungdamna ko masa ingh. Tua banah ka pianna ka nu leh kapa tungah zong gam zawh loh lungdamna ko nuam ingh. A tawntung hong pantah hong makaih, pastorte, siamahte leh pawlpi mi khempeuh tungah lungdamna kong ko nuam hi. Tan 10 all-D ka ngah na ding leh zato siavuan ka ngah nading vision hong pia pa leh a tangtungsak pa pasian tungah lungdamna ka ko hi.
