Lia Cing Sian Nem
Siapi Kung Za Mung (Tawmging) leh Siama Thang Sian Cing (Gualnam-Luisuk) te sung pan 22.2.1990 kumin Tedimmyo ah suak hi. Sanggam laizom pasal 2 leh numei 3 lakah a laizang pen a 3 na ahi hi. Pianna Pi Vung Khan Cing – Cing Sian Nem min ki tap hi a, 2005-2006 sang kumin Kalemyo No(1) SHS sang pan tan sawm (All-D) tawh zo hi.
USA a om Myanmar Uplifting Mission (MUM) kici ZBCM Pawlpi mi innkuan 8 kipawl in pahtawina sum Ks. Lakh 10 hong pia uh hi. Nu leh Pa in zong lungdam lua ahih manin lungdam kohna pawipi kham uh hi. Singapore Nanyang Polytechnic sang ah Nursing kum 3 kah a, tua sang mah ah siamah sem suak pah hi.
Sanggam laizomte :(1) Lia Man Suan Huai B.A (English) Nursing Kalay University.(2) Tg Khen Sian Kham (3-D) MBBS Magway Medical Institute.(3) Lia Cing Sian Nem (All-D) Nursing Singapore Nanyang Polytechnic.(4) Tg Hau Sian Gin (4-D) MBBS Magway Mdedical Institute.(5) Lia Hau Suan Nuam (5-D) MBBS Magway Medical Institute.1.
A Papi Cin Khan Pau in All-D ngah a phuah hi.,(a) A gam vangla, ka zaal na pan, von nem na sinthu, naubang ka san ni, lungdam luankhi, gial bang hong kia ee,(b) Zal mang hi lo, tak sinthu hi, siam silna zunna, kan sang ee All-D, ka lang mai luan, khi in hong zel ee, 2. Siamah Cing Khan Niang in All-D ngah a phuah hi.,(a) Von nem pal lawh, vaimang siam sil, tui zum ah mei, bang hong zam zil zial ee, (b) Meii bang zam ee, von lia nu aw, guallai ah ni, bang na ta’n lawng ee, Tan sawm kum matngah zahte in; Myanmar 74, English 81, Maths 80, Chemistry 83, Physics 82, Biology, 77 hi a, mat gawm vekpi 478 hi. Nasepna: Senior Staff Nurse, General Hospital Singapore.