Tg Thawn Za Lian
Pa Suak Khan Cin (H/A) leh Nu Daw Nyunt Nyunt Wai (M/F) te sung kasuak sanggam unau 4 lakah a 2 na ka hi hi. KG pan tan 4 ciang BEPS Aungtha, Tan 5 pan tan 8 ciang BEMS Leyin, tan 9 pan tan 10 No (3) BEHS Monywa ah kah ingh. Sangkah sung a khatna ta ngah den ingh. All “D” kangah nadingin zingsang 5:007:00 leh nitak 7:00-12:00 ciang laisim ingh. Subject khempeuh lot ngah kisam khempeuh lot ngah ingh. Tuat pawl te zong katel dong tuat ngiatngiat ingh. Definition khempeuh lot ngah ingh. Lim khempeuh ahoih pen ding suaih kasin hi. Sia te hong gen khempeuh leitu saklo in hoih takin kangai hi. Ka neulai akipan All “D” ngah ding M.C kahding MBBS bek hilo, Sia Vuanpi (Parago) suakding cih ka ngimna hi. Tan 10 kumin Boarder sawngah om zo keng tuition vuai mawkmawk khat a hi (Parami) ah kah ingh. Kei kia in Monywa zatopi gei ah inn dei sap in kanek ding huan tawmin sang kakah hi. Tua kumin Sagaing Division ah All-D ngah kei bek ka hi hi. Hong cing hongkem hongkhoi hongvak ka nu leh ka pa leh ka sia, siamah te tungah ka lungdam mahmah hi. Ka hanciam na tawh kizui in hongpiang thei ahih manin tha kangah mahmah hi. Ka pil ka siam man zong hi kei, lunggulhna tak tawh lai kasim manin Pasian in hong piak ahi hi. Subject zui a mat ngah te Burmese 80, English 75, Maths 98, Chemistry 93, Physic 80, Biology 84 hi a, avek pi gawm 510 ahi hi. Kapilna hi kei, kakum tawl lai pek akipan Siavuan bek hilo, Siavuanpi suak ding ka lunggulh luat man a, lai ahanciam ka hi hi cih hong pulak phapha nuam ingh. Lunggulhna, tupna, Ngimna, leh geelna (Vision) kisam mahmah hi. Dr Thawn Za Lian