Pa Zam Sian Thang
Heilei khua Pa Gin Kam (Buansiing) leh Nu Pau Za Niang te sung panin 4.1.1962 in Tedim gam Heilei khua ah suak hi. Sanggam laizom 8 lakah a 6 na hi a, Primary School Heilei ah kahin Middle School Kalemyo ah kah hi. Tan 8 azawh ciang sum zon ding lunglut zaw aa, 1982 kumin sum zon kipan hi. Heilei khua pan Kalemyo ah 1980 pawl in tung a, naupang te sangkah nading yangon ahih manin 1999 kumin ki tuah suk a, Topan thupha pia in tu in Bogyoke Aung San Market Yangon (Diamond-Color Stone) zuak in om hi.
Heilei khua Pa Kim Za Tun (Bawmkhai) leh Nu Thang Za Ciin (Buansiing) te tanu tapa 8 lakah a 6 na ahi lia Dim Khan Nem tawh 4.8.1987 niin Christian ngeina tawh pumkhat suak hi. Topa thupha tanu khat leh tapa 5 nei hi. (1) Lia Niang Do Mang B.Sc (Chemistry), (2) Tg Kam Suan Siing B.Sc.(3) Tg Tun Za Mung Nursing (Singapore).(4) Tg Dal Lian Khai (Matric),(5) Tg Pau Sawm Tuang B.Sc.(6) Tg Thang Deih Lian (Matric passed).
Nasep tuam: (1) Yangon RCM Pawlpi sungah Pawlpi upa leh sum kem sem hi. (2) Yangon Buansiing beh kipawlna ah upa leh sum kem sem hi. (3) Yangon Heilei innkuan kipawlna ah makai lam ah kihel hi.
