Pa Cin Khan Pum (Bo Cin)
Buanman khua Pa Siing Za Ngo leh Nu Ciang Pum te sung panin Maymyo khua ah suak hi.Mandalay pan khangkhia in Yangon ah music lam na sem hi. Ka neu lai kum 5 kaphak pan kipan Maymyo ah ka om lai pek in Guitar ka uk mahmah hi. Mandalay katun uh ciangin zong Guitar tum kawikawi ing. Mandalay khua sung a om Band minthang khempeuh ah tum ngei ingh. Ka ciapteh sunsun Shell cih Band te khempeuh ah tumngei ingh.
Mandalay pan ka lawm te cih te in Yangon ah la a khum uh ciangin Emperor pan Ko Zaw Myo Htut, Ko Maung Maung Lwin te tawh kizom ingh. Tua hun pan kipan Emperor Band tawh kipawl in Series tampi tak leh Stage Show tampi tak tum ingh. Tua khit teh Band pantawpin ka uk mahmah music tawh kisai mah semsem ing. Tu laitak in Plus Three Music Band ah ka tum laitak hi.Zomi khangthak te leh momno tetung ah konggen nop pen in, Zo minam mimal tawm mahmah lak pan Pasian in hih ciangdong hong lamsang to, Pasian min nakpi takin kaphat masa hi.
Ei zomi te sung pan music uk momno te kahih zawhzah in hong panpih nuam mahmah ing. Hih pen ka lungsim tawng pan a konggen hi. Bass Guitar bek zong hilo, music tawh kisai na theihnop uh, nongdot nop uh a om leh katheih zahzah konghilh nuam hi. Tu laitak in No.35/37, First Floor, 53 St, Botataung Towhship, Yangon ah kazi Man Suan Hung leh ka tanu Esther Kaang Thian Neam leh anau tawh khazih sungah nuamtak in om ung cih tawh hong vaikhak nuam ing.
Topa tung leh Zomi khempeuh tungah lungdam mahmah ing. Cin Khan Pum (Bo Chin) Email: Esther Kaang@gmail.com Ph.095062806,0943119882. ZomiSiamsin Magazine Volume-1,2005 Kalay University pan kitom lak hi. Tate: (1) Lia Kaang Thian Neam(grade 7), (2) Lia Khai Man Huai (grade 5), (3) Tg Peter Ngo Thian Mung
