Bo. Khai Za Kham

Pu Thual Vum (Tawmging) Pi Ciin En te sung pan 6.10.1908 in Tonzang ah suak hi. Nu Chit Khem tawh kiteeng a, suan leh khak nei lo ahih man in a u pa tapa Vum Khaw Thang innluah ding in laa uh hi.

Sangkah na: Tonzang ah Tan 4 ciang zo hi. Kalaywa ah Tan 7 ciang zo hi. Kangyi Phungzi sangah kah beh aa, kawl ngei na tuamtuam zong sin beh lai hi. 1928 in upper Chindwin Mawlaih ah Palik tum in nasep kipan hi. 1929 in Upadi lai zong sin beh in hong zo hi. 1944 in Bo Bawkkhat hong ngah hi. 1944 bei kuan ciang Inspector of Police (I.P) bawknih ngah hi. 23.2.1954 C.I.P (Circle Inspector of Police) ( ) hong ngah hi.

Sepna leh bawlna: (1) Khamtung gamah Paliklam tawh kisai Upadi zui a, a na makaih masa pen ahi hi. (20 1949-50 Tedim ah Palik Upadi (B.P.M) ngei na om bangin Palik kaat phuan. (3)1951-53 Falam leh Hakha (B.P.M) ngei na om bangin Palik kaat phuan. (4)1958- Cikha ah Palik Kem phuan in Tonzang pan cikha mawtaw pai theih nang vaihawm. (5)1962 Tonzang leh Cikha Zeken panin Zesakhan in khan to, Laisim na sang zong hanciam pih. (6) 1963- Tuul suk zang (Khaikam) ah Ze Kem khat phuan.(7) 1963 June 30 ni-in pension la a, Palik Mangpi pa pahtawina leh gualzawh na letmat te ngah hi. 1985 kumin a hoih mahmah lawibual a innpi pan hong nusia hi.
(a) Sing a pau gual a pau ten ee, na paal tual khia ding ci ee,
(b) Mui bang hong peei, mi sing ta aw, ka paal tual kia tuan lo ee,
(a) Ka min lawi bang a thanthanna , ka tong dam za tan deih ee,
(b) Ka tongdam za tan deih aw ee, tui zum vaimang te’n deih ee.
(a) Vaimang tongdam ka san lai-in, ka min vuisai bang lian ee,
(b) Vuisai bang lian, ka sial na’n ee, sawn min Kham Za Lian ci’ng ee.

Leave a Reply 0

Your email address will not be published.



PARTNER

error: Sanggam, Na Copy sangin hong share sak zaw ve,