Captain Mang Cin Pau

Pu Khen Za Thang (Suantak) leh Pi Mang Khaw Niang (Dopmul) sung pan 18.7.1942 in Gamngai ah suak hi. 1952-54 sung SPS sial thaw ah tan IV zo hi. 1954-59 SMS Gamngai ah tan VII Scholarship tawh ong hi. 1959-62 SHS Tedim School Leaving Certificate (SLC) ong hi. 1965-66 Palik Menzi zum ah L.D.C lai at neu sem hi.

Tua pan phunggyi ah kah in, 3rd Batch Police Officer (Palik bo) ngah hi. 1967-74 Phonggyi Central Training mun ah sem hi. 1974-82 Tonzang, Tibual, Falam Palik zum te ah Bawk khat tawh sem hi. 1982-87 Falam pan Hakha ah Bawknih tawh piang in Myone zemu kipia hi. 1988-93 Bawkthum tawh Mandalay Division Asihtaung Myone mu sem hi. 1993-95 Mandalay Division Tashi Myone ah Myone muu tawh piang hi. 3.1.1995 nasep kum 29 ciangin, Tashi panin pension laa hi.

Kimawlna: (1) 1965-71 Chin State Volleyball Selected hi a, kum 6 sung kimawl hi. (2) 1992-Mandalay Division numei Volleyball team manager semin, Champion ngah pih hi. (3)1991-94 Mandalay Division Police team golf kidem na ah kum 4 sung Champion ngah hi. (4) 1971 kum in Gamngai khua Pu Khup Za Kham (Phiamphu) Nu Niang Kho Zam (Dopmul) tanu neu pen, Nu Mang Lian Ciin tawh kiteeng a, tanu tapa 7 nei uh hi.

(1) Niang Lam Nuam Cing B.A 2nd years (History), YCF, Yangon. Director. (2)ZamSanCingB.A(Philosophy)TrinityAGMandalay(Lai-at).(3)VungSanLunA.G.T.I, B.A (Eco) Kenbo Company Countant.(4) Thang Lam Cing B.Th, M.Div, M.Th, Ph.D, Thesis.(5) Thang Kim Sing B.A (Eng) Parado Hostel.(6) Kham Sian Sum B.A (Philosophy).

(7) Mang Khan Dim B.C.Sc 1975-76 kumin Rev Dr Pum Za Thang Chin State ah lungdamna thugen ding a hong pai Cikha galkap ten manin Tonzang palik zumah koih hi. Bo Mang Pau in palik te azi a tate tawh kaikhawm in thong inn pua lamah tusak aa, Rev Pum Za Thang in thong inn sung panin lungdamna thu gensak in mi tampi kikhel hi. Tua bannah Rev Pum Za Thang (Tombing) Tonzang thong inn pan asuah tak nading lampi geelsak in a suah tak dong makaih ahih man hih laibu tawh ka pahtawi hi.