Lt.Col.Thang Suan Khai
Suante beh, Suanman khang 14 na, Suangpi khua Hausa Pa Ngin Thang leh Nu Ngul Cing te sung pan unau numei pasal 9 lak pan aa, a 3 na hi in 6.3.1948 ni-in Suangpi khua ah suak hi.
Sangkahna: 1995 kumin Suangpi khua pan tai 4 aki gamla Phunom sangah nisim in khe tawh ni leh in tan khat kah kipan in 1961 kumin Phunom SMS pan in tan 6 zo. 1961-1962 kumin Gamngai High School pan tan 8 zo. 1963-1965 kumin Tedim sangpi panin tan 10 zo. 1965-1971 kumin Yangon Art & Science University panin B.A (Law) LLB, HGP degree ngah hi. Sang kah pat a kipan degree ngah dong ciang Pasian thupha tawh lai kiat cih athei ngeilo khat ahi hi.
Galkap sung nasep nate: (1) Mualtung mi leh Christian te sung pan galkap Bu suah ding ahamsat mahmah hun sungin (No 43 –OTS) kah aa 20.3.1972 kumin galkap Bu bawkkhat ngah hi.
(2) 1973 kumin Duh Bo/ Tat Suh Hmu asep laitakin pan gamkuan in ah Shan) ah galte tawh nakpi takin kidona ah amah zong liam in galkap zatopi ah kipuak gam Maizan pah hi. Ahi zongin tua aliamna te damsiang kik in agalkap nasepna maban te hoihtakin zom suak to thei hi. Anutak sungin kumpi te piak minphatna leh pahtawina medal 7 ngah hi.
(3) Monyua khuapi pen ding akibawl hun sungin pa ii thupiakna tungtawnin 1991 pan 1997 ciang semin thu leh vai khempeuh makai in sem hi.
(4) Tua hun laitakin State/Region sungah thukhenna lamah thu lian nei pen ahi tawh ah 1992- 1997 ciang 1998-2000 ciang sem hi.
(5) Kawlgam kumpi te ii sawlna tawh in Kawlgam leh Thai/ China gamgi te tawh kisai committee meeting gamdang ah 3 vei leh Kawlgam sungah 3 vei kihel hi.
(6) Galkap lam tawh kisai khat ahihna dung zui in Military Officer tawh kisai in cihtakna tawh kuhkal taka a nasem khat hi. Tua hi aa Military Officer te Law tawh kisai training apiakna ah training piak siam mahmah khat in aciapteh uh ahi hi. Tu laitak aa galkap sung aa asem lai leh atungsiah galkap ulian atam zaw in thei in hong it sak mahmah tek uh hi. Tu laitak aa asem U Tun Tun Oo bang galkap sungah sanggam bang naubang aa aki thuahpih khat ahi hi.
(7) Khamtung mi te sung pan galkap mangpi te ahi te tawh kithuah in nasem khawm uh hi.
Pasian thu tawh kisai: (1) Christian khat hi in Zeisu Christ bek mah nuntak pih ding khensat na nei tawntung hi. Nasepna ah aseppih agalkap ulian (a pu te) in it in nasepna lamah zong galkap lam tawh kisai Military Law zong muang mahmah hi. Ahi zongin tua hunin mualtung mi ban ah Christian thu um khat ahih na hangin etcik na leh ngah ding aa kilawm hamphatna pawlkhat te angah khak loh phial ding hangin thuak siam mahmah in Pasian thu tawh kiheh nem tawntung in thumlo taulo in anasep te citak in sem tawntung hi.
(2) Monyua khuapi ah Roman Catholic biakinn huangpi mei hong kat ciangin mei kang tawh kisai lamah zong professional aa nasem siamkhat ahih manin kumpi thukhun ahi Law ( ) tawh kisai thupiang tuamtuam te om tase leh Bishop A. U Than Aung (Mandalay) tawh sanggam unau bangin thu hoih pen apian theih nadingin thu kikum tawntung in ahanciam tawpin panpih kinken hi. Hih nasep khopna pen amakhang sungah alungkim mahmah Pasian nasepna liankhat hi ci-in genthei zelzel hi. Tua hun laitakin amah pen ah asep laitak ahi hi.
(3) asep sungin leh sungah Zomi, Chin te sum bawlna lam ahi zong, thu tuamtuam te tawh thongkia te leh laa tuamtuam tawh buaina anei mi tampi tak Palik zum leh thukhen zum atung tea ma huh theih zahzah in huhna pia hi.
(4) huang sung a Baptist Church ii founder khat leh makai khat dingin Pasian in hong zatsak hi. Taunggyi Chin Baptist Church zong ah anuntak sung Pawlpi makai sem hi.
(5) Monyua Baptist Church leh Chindwin Baptist Mission (Monyua Headquater) ah hunbit Pasian nasem te ahi Rev Khai Za Dal, Rev Pa Hre, Rev Tin Aung Shwe te tawh pawlpi upa pi te ahi (Pa Tual Go Pau-Trade Dept), (Lt.Col Tual Do Dal, ), (Pa Thawng Kho Zam, Manager, Idimitsu Company, Monyua), Pa Chin Hla Aung, Pa Ngun Hu te tawh khut kilen khawmin biakinn lam nading leh Mission nasep nading te ah hanciam takin mapang khawm hi. Monyua Baptist Church pen Rev. Dr. Carson Cin Khen Tuang makaihna tawh ana kiphut khinsa hi in Chindwin Baptist Mission Center pen Kalewa pan Monyua ah akituah hunsan laitak ahi hi.
(6) Khitui Gospel team te Suangpi khua kong pai theih nading uh abulpi in Monyua aa om Lt. Col Khai Tawng in Monyua pan a hong ngetna tungtawn hipen hi ci-in sia Langh DoKhupinpulakhi. Khakhanlawhnanakpitakpiangkhiahi.
(7)Apiannakhuaphawktawntunghi. Aneu akipan akhan khiat pih ahi Suangpi Youth Organization (SYO) leh khuano Youth Organization (KYA-Sport) te thapia tawntung hi. Tu laitak a Suangpi Baptist Church te ii azum innpi ding aa, akisam sikkang khempeuh Pasian min in piakhia hi.
Innkuan pihte: Suangpi khua ex. Capt Ngul Za Thang & Pi Ngul Ciang te ii tapa leh tanu 8 lak pan tanu khat aneih sun Nu Dim Go Cing (ex. Blue Staff, Nurse) tawh June, 1978 kumin Suangpi khua ah kiteeng uh aa tapa 3 leh tu 3 nei hi. Amah pen unau pasal sung ah a upen ahih mah bangin a sanggam pasal te ahi Pa Nang Za Khup Pa Piang Suan Mung (UNICEF Health & Nutrition Officer) leh Tg Khai Thawn Thang te degree ngah sak in nasep zong guan tek uh hi.
Leitung hong nusia: Amah pen ah asep laitakin gilsung lam tawh kisai natna hangin Yangon galkap zatopi panin 16.6.2004 in leitung hong nusia in 19.6.2004 ni-in galkap ulian te ngeina tawh zahtak piakna aneih khit ciangin Yangon-Tedim Baptist Church pawlpi te makaihna tawh Yangon Yewai han ah kivui hi.
