Lt. Col. Tual Do Dal
Pu Son Lang leh Pi Ning Za Hau te tapa hi a, 1.12.1934 ni-in Saizang khua ah suak hi. A zi Nu Lian Khan Vung hi a, tanu 3 leh tapa 1 nei uh hi.
Sangkahna: Govt. Vernacular School, Saizang Tedim ah kah hi. St. John’s Diocesan Boy’s High School, Yangon ah kah hi. State Middle & High School, Tedim ah kah hi.
Nasepna: 1956-71 2/Lt. pan Capt. Platoon Commander, Adjutant ciang sem hi.1971-76 Maj. 2 i/c C.O., 1976-82 Lt. Col. Battalion Commanding Officer Aungban leh Kyaukphyu ah sem hi.1983-85 Staff Officer Grd. I (Adj) Lashio ah sem hi.1985-92 Asst. Adj. Gen. War Office, Yangon ah sem hi.1992-95 Chairman, District Law and Order Restoration Council, Monywa ah sem hi.
Gualzawhna: SHS Tedim sang pan Matriculation 2nd Division tawh a zo masa khat hi. Tedim sangpi pan Tan X a zawh khit phet a galkap Bu ngah masa pen ahi hi. Galsim ding (operation) kuanna ah galte tawh 62 vei kikap uh hi. A tungsiahte pahtawina message tamveipi ngah hi. A galsimna mun 2 ah a simziate Burma Army Combat Force School ah galsim zia (Battle Study) hilhna in kinei hi. A galkapna khempeuh ah a siam, a hat leh a hangin kimu a, a lawm a gual lakah tuni dong maitaang mahmah hi.
Galkap zumpi ah (Assistant Adjutant General) a sep sungin ni dang a pension vai a kum a kha a sawt te a manlang a, a thoh theih nadingin Defence Service Council Orders and Council Instruction (DSCO leh DSCI) khel theih teng khel nadingin a tungsiah ulian te lamlahna leh hanciampihna tawh semkhia hi. A manlang thei penpente kha 1 in mansak a, a ziakaite pawl khat 4 sungin mansak hi.
Ama pension a thoh ciangin kha2 sungin mansiang a, a angtang mahmah hi.1995 in kum cing pension la hi. Galkap suangah Minphatna medal 14 ngah hi.
Tanu tapate: 1. Hau Do Niang B.Sc (Geology) 2. Kai Ngaih Don B.Sc (Botany)3. Lang Khan Suan , B.A (History) 4. Cing Ngaih LunB.Sc (Botany) Saizang khua siahsuah a, Pu Tual Do Dal laphuah: (a) Saitui pupa, zinin siam ci, tu aa ei khan, sian in siam ta ee,
(b) Zin aw nang khan, mei bang theng ta, sim lei len kuam dang va zuan ve aw.
(a) Endih ve ni, Saitui gual aw, zangni suak leh solkha liap ta ee,
(b) Zangni suak leh solkha liapta, Sianmang hong ee, zingleng liapta ee.
(a) Ka sanggah hang, ka belh limsing bang lian ee, sanggah lo bang gual lai ga bang, laam ing ee. (b) Ga bang laam in kimpih gualsing na veng ee, lam bang pak ding tun le zua mel mu lang ee. (a) Tukawl tawi siam bang sin ding ci, puvom aw gual lai va bang laam veng e,
(b) Hawmtel pak bang nong tawina, khau bang zom ding na sawm han lung ciam hi’ng ee.
