Rev. Sukte. T. Hau Go
20.10.1920 lailui khua ah suak hi. Apa Tual Hang leh a NuAwnNiangtetangalakah aneupen hi. 1926 pan Tonzang, Phunom, Tedim ah kahin 1931 in sang ong ahi manin Ngun Medal ngah hi. Manglai Tan IV pan VII dong Tedim ah kahin Scholarship ngah hi. Tan VIII leh IX Falam ah, Tan X Sagaing ah kahin Kawllai Distinction tawh zo hi. Sagaing ah a kah sungin Backward Area Stipend ngah hi. 1938-42 Judson College ah kah a, Government Collegiate Scholarship ngah hi. Zo man loin Japan gal hong tung a, 1944 kumin Madras Christian College ah zomin 1946 in B.A (Hons), 1948 in M.A ngah hi.1948 in Mission Scholarship tawh USA ah kah a, 1950 kumin M.R.E. tawh hong ciah hi.
Biakna lam sepnate: Madras pan hong ciah ma-in H.N.C Stevenson in Frontier Area Service a sem dingin kham khol hi. Yangon hongtung ciangin Dr. Hla Bu in Professor dingin zol hi. Rev. Arthur Shwe Taw in zong BBC Secretary sem dingin nazol leuleu hi. A mite lakah sephuai zaw sa ahih manin tua te khempeuh sanglo hi. Tuakhit phetin lai khat na lak uh a, “Hau Go in Pasian na asep leh keima aituam sum panin kum khat $600 in ka huh ding hi,” cihna Cope Tonu lai na hi hi.
USA a pai ciangin Cope Tonu kiangah, “Nang bang ci nuntaka kei tua bang a hong huh thei na hi hiam?” ci-a adot ciangin, “Cope Topa in Khamtung ah sang en dingin khual a zin ciangin Kumpi te in DA,TA pia uh a, tua te zang loin ka kholkhol sung pan ua kong piak hi. Tu-in nang alang zang inla alang na zi in zang hen,” ci-in khensak hi. February 1953 in Tedim Baptist Association, Falam Baptist Association, Hakha Baptist Association te phuatpihin 1953 March kha in Zomi Baptist Convention makai in phuan a ZBC GS masa pen sem pah hi. July kha in Zomi Baptist Bible School pankhia a, tu-in Zomi Theological College suak ta hi. 1955 kumin Khuangsai Baptist Association phuatpih hi.
Sanglama sepnate: 1946-48 leh 1951-56 sung Zo Education Board president sem hi. 1948 in Thu kithuahna patsak hi. 1956 in Laizo pau in Zomi Christian Thu kizakna patsak hi. 1960-64 Zomi Baptist Academy ah Principal sem hi.1957-59 & 1964-76 sung College sia sem hi. Kum thum val zato lum a, Tedim mite ading a deihsakna bei loin a zato lupna tung panin Xristian la, Tedim kam ci-in teikhia hi. Pu Ngul Lang leh Pi Ning Zen tanu upa pen Nu Luan Za Cing tawh 2.4.1947 ni-in kiteeng a tanu 4, tapa 4, leh tuu 7 nei uh hi. March 1, 1996 ni-in Yangon ah leitung nusia hi. Tenna: Bld 10, Rm 1, Lanthit Yeiktha, Lanmadaw Tsp. Yangon.
Tate: (1) hang Za Thawn, BSc., BRE., MBA., Project officer UNICEF+Hming Lian Cung, BA.,(2) lang Cin Kham, Diploma in Frence, (3) Niang Lun Cing, BSc., BRE., DPMS, BPSC + Rev En Khan Kham, BSc.(Geo), M.Div., (4) Go Suan Mung, BSc.Hons(Chemistry) May 4,1980 in si. (5) Zen Khan Niang, B.Com(Yangon) MBA(USA), concultant. (6) Ciin Khan Man, BA., Hons, Yangon, MEd., MA.(USA).(7) Hau Than Dim, BA.Horns(Yangon), BBA., CISA(USA), CPA, USA. (8) Thang Khan Tuang, BSc.,ME. USA + Niang San Nuam, BA.,Yangon.