Siapi Vul Za Thang
Pu Hang Tual leh Pi Goih Nial te sung pan Tonzang khua ah 1.9.1922 ni-in suak hi. Nu Ning Za Niang tawh kiteeng a, tanu 4 leh tapa 2 nei uh hi.
Sangkahna: Zolai Tan IV dong Tonzang ah kah hi. Manglai Tan IV pan VI dong Tedim ah kah hi. Falam ah Tan IX dong kah hi.1938 in Sagaing ah Tan X tawmvei sung sim a, Maymyo Govt. High School
ah Tan X dong kah in, 1939 March ciangin zo hi. 1947 ciangin Yangon University ah kah a,1949 in Senior vuan-in 1950 kumin UDC ngah hi. Tua khit ciangin Senior Assistant ngah hi. Na sem kawmkawm in laivuan kawma Senior I.Sc zo hi. Tua ciangin Science la nawn loin Arts lam zui-a sang kah nading sum thalawh kawmkawm tawh thuah hi. Senior B.A asin kum ciangin Zo zumpi a, a nasepna pan tawp hi.1951 March ciangin Senior B.A vuan hi.1952 ciangin B.A zo hi.1960 pan 1961 dong USA ah kha guk sung lai vasin hi.1962 in Dip.Ed ngah hi. 1963 B.Ed ngah hi.
Nasepna: 1939 pan 1940 dong Falam galkap zum ah lai-at sem kawmin Kala kamphen kawm hi. Japan gal sungin 1940 pan 1947 dong Falam Zatopi ah lai-at neu, lai-at pi sem hi. 1948 pan 1950 dong Zangkong Zo zumpi ah lai-atneu, lai-atpi sem hi. 1951 kumin Tedim ah Private sia sem hi. 5.11.1951 Tedim ah SAT sem hi.1955 pan 1957 dong SHS Hakha ah Siapi sem hi.1957 pan 1960 dong Tedim SHS ah Siapi sem hi. August 1960 pan March 1961 ding USA ah pai a, 1961 pan 1963 dong training vakah hi.1963 in Paletwa ah Siapi sem hi.1965 pan 1967 dong Thuklai ah Siapi sem hi.1967 pan 1969 in Mindat ah Siapi sem hi.1968 January in B.E.S (Senior Branch) in zaa khang hi.Kawlkam sinna Kawllai them nono (Burmese Self-taught) bawl hi. “How to spell, pronounce, and leran Tedim-Chin Word” leh “Chin-English Dictionary” bawl a J.Gin Za Twang in huh hi. Mindat ah Siapi sem Kimlai cina sa-in hong ciaha 29.6.1967 ni-in Kawlpi leh Tedim kikal Theizang khuataw ah mawtaw tunga tuang Kimlai si hi. Tua ciangin Tedim innpi ah Christian ngeina in kivui hi.
Tenna: Lawibual veng, Tedim.
