SB. Len Cin Thang (a) Thangno
Pu SB Dai Cin leh Pi Lian Mawi te in tapa 2 leh tanu 4 aneih sung pan tapa 2 na hi a, 14.11.1967 in Falam zatopi ah suak hi. 21.11.1994 kumin Pu SB Khan Tin Zam Vungh leh Pi Khup Khaw Man te tanu Lia Dim Lam Lun tawh pumkhat suahna yangon khuapi Thamadah Hotel ah bawl hi. Pasian piak tapa 2 leh tanu 2 nei uh hi.
Sangkahna:-Tan lang pan tan sagih dong SHS No(1) Tahan sangpi ah kah hi.Tan giat pan tan sawm dong SHS No(1) Latha, Yangon ah kah leuleu hi. -Diploma of Theology, Myikyina Evangel Bible School 1982-1984, -Bachelor of Theology, Bharat Bible College & Living Word Bible College 1989-1991. -1982 kumin John 3:16 tungtawnin piangthak hi. Tahan EBC Pastor Rev Tual Khan Pau in tuiphum hi. Kum 10 aphak kumin Motor hawl thei hi. U Soe Myint kiangah Kungfu siamna a sang pen dong sin hi. Bawling, Golf leh Badmintan kimawl siam a, Irrawady Club Badmintan kimawlna ah 2010-2013 dong khatna pahtawina kipia hi. Yagon Bogyoke Market ah Kenedy Jewel Shop khat nei hi. ZCD Party ah Advisor khat ahi hi.
Pawlpi sung: 1979 kum Tahan EBC Pawlpi, 1986 Yangon EBC Pawlpi piankhiat nading amau innkuan a pangpi ahi hi. Yangon EBC Pawlpi ah makai leh sumkem semden hi. Piakkhiat na hat mahmah a, biakinn lam nading leh Pawlpi van kisam te huh kawikawi hi. Pasian thupha te sim siam in 20% sumpi sehsuah piakhia hi. 2010 kum akipan gambup EC Member khat ahi hi. Deihdiak Laisiangtho John 3:16 leh deihdiak la How Great Thou Art (Labu No.17) ahi hi