Captain Thang Gin Hang
Pu Lam Khup (Taithul) leh Pi Thang Ngai (Kunhen) te sung pan 1913 kumin Khuadai khuaah suak hi. 18.3.1933 2nd BurmaRifles, Maymyo ah galkap tum hi. 18.3.1934 sannih ngah hi. 1939 kum Jemadar (Bawkkhat) ngah hi. 10.6.1946 Subedar (Bawknih), 10.1.1942 Captain (Bawkthum) ngah hi. 1938, Maymyo Tuiphum Pawlpi ah Karen Pastor khat in Tuiphum hi.
Galkap hunsung: 1940 2nd Burma Rifles Batallion Maymyo pan Henzada khua ah Japan gal nang dingin Company khat tawh ki pai sak hi. 1941 ama uk Company te tawh hong nungkik uh aa, Kawlpi hong tung hi.1942 khamtung ah Chin Levy kiphuan aa, Tedim leh Nakzang kikal Chin Levy te makaih dingin tavuan kipia hi.
Tedim, Tonzang, Cikha mawtaw lampi a ki tawh ciang Tonzang gam Sial Ciam camp ah galkap te ration a uk in om hi. Thaangzang khua Pu Suak En leh Pi Than Cing te tanu Nu Cing Za Don tawh kiteeng aa, Rev. Vial Nang in let that hi. A tate: Rev. Khup Lian Mang; Nu Ngai Khan Cing; Nu Cing Lian Vung; Pa En Khan Thawn; Nu Niang Ngaih Ciin te ahi hi.
1934 Mangkang Bu ten (Animal Transport) Company khat phuan ding in Maymyo ah tavuan pia hi.1949 Kalemyo ah Zo Galkap 4th Chin Battalion kiphuan aa, tua lai ah makai khat in pang hi. 18.1.1957 Kalemyo 4th Chin Battalion panin pension laa hi. 3.6.1957 kawlpi paisuk, Kawlpi pan Tedim hong ciah toh phatzang lampi ah a ma mawtaw pi tawh accident in hong nusia aa, Tedim innpi ah kigui hi. Gamngai kual ading Shield pi khat pia ahih man in minthang mahmah hi.
